Bel kala Nebo Malungnimhaira
Babylonwui varebing chi mathāhai kahai sāyurbingna gāri eina phungkazat ngasāra, kala athum khalatta huikhui mashapmana. Chi kayangwui mahutli, ithumwui Avāna Israelli mapharā leida eina ina khāngkhui, kala sam charshi tangda khāngkhuira da hānga. Meoma̱ hi phungkazata; ana khāngkhui.
46 1Bel malungnimhaira, Nebo akhum mateka; athumwui meoma̱bing chi sāyur kala sha̱keili shaksākhuida. Otphun akha kachatphalung sāyurbingwui vang, nathumna phungkazat otbing chi khāngkākhuiya. a a v1 Bel kala Nebo hi Babylonwui vare kharebingna; keinung chi kongluihai tharan athumwui meoma̱bing chi gari tungli shaksākhuiya kaji chi hi chitheina. 2Katonga athum akhum mateka, malungnimhaira; athum khalatta huikhui masārarmana, kala tukthuiserhaora.
3"O Jacobwui shimkhur, Israelwui shimkhurwui shākkahai saikora, nathum mapharā leida eina ina khāngkhui, naopamwui eina reingasaka kahaibing, ili nganālu. 4Nathum rarlak vāpeida ina china, kala nathumwui sam charshi tangda ina nathumli khāngkhuira. Ina nathumli sāmi, kala ina nathumli phungra; ina nathumli khāngkhuira kala nathumli yuimira. b b v4 Athumwui khorumkasābingna meoma̱bing chi phungra kaji thāda maning, ithumwui Avāna awui naongarābing chi khāngkhui — naopamwui eina rarlak vāpeida, ana katangkha athumli mahortāmana.
5"Ili khi eina pāntampaira, lah ili khi eina ngaraichā da shānkhuihaira? Ithum ngaraichāra da ili khi eina ngaheopaira? 6"Kaikhana lupākhao eina sinā heisangda tamkhavai eina lupā onra; athumna sina kasaa akha masākhui, kala ana chi vare akha sāmi; chithākha athum malungnimhaira, mha, athumna chi khorumra. 7"Athumna athumwui yartuili chi khāngkāda phung; awui pamli haimida, chili nganinga; awui pam eina chi mama̱thuimana. Khipālikha chili ngakaoakha, chi mangahānkārarmana lah awui kakhanang eina ali huikhui masārarmana.
8"Nathum ngakaikashebing, hi phaningunglu kala nganingtitlu; nathumwui ningli haimilu. 9Kasāngkha thuikahai otbing chi phaningunglu, kaja ina nathumwui Avāna, kala katei maleimana; ina nathumwui Avāna, kala I kathā akhala maleimana. 10Ina haokaphok eina khanao chi hāngmi, kala achālakhawui eina mashokrangsai otbing chi, hithāda hāngda, 'Iwui sākhangai chi nganingra, kala ina ningkachāng saikora chi ina ungshungmira.' 11Zingshowui eina sāshaiwui vānao akha, ngalei katāva̱wui eina iwui sākhangai ungshungki kaji mipā chi ina ngakaora. Ina hāngkahai chi, ina ungshung ngasakra; ina phaningkasā chi, ina sāra. c c v11 Zingshowui eina khalāng chi hi Persiawui Cyrus na, ana Babylonli yuihaida Varewui mibing chi ningkhānhaira.
12"Nathum wuklung khamakangbing, khamashung khangarong eina katā leiping, ili nganālu: 13"Ina iwui khamashung khangarong chi nganailak ngasaka; chi katāli maleimana, kala iwui huikhami chi masāngmara. Ina Zionli huikhami mira, Israelli iwui tekhamatei mira."
