Kong'uruukyi Bel ak Nebo
Kiratyi kamuktoisyegap Babilon tyong'ik che nyaluli si koip, ak ma muuchi kosar icheeget. Kwenut ne po niito, mwaei Kwandanyo kole kaaip Israel kobooch isichet ak ipei icheek agoi kalilet. Kanamonik ko mileet; ineendet ne ipei.
Ng'alaali Kwandanyo eng' mustarisyek 3–13
46 1Kong'uruukyi Bel, ing'uruuk koming'in Nebo; kiratyi kanamonikwak tyong'ik ak tuuga. Kieetyi tuguuk che obei, mileet eng' tyong'ik che nyaluli. a a v1 Bel ak Nebo ko kamuktaik che oo che po Babeli; keboorunee olooni kanamonikwak che kiratyi sigirosyek ye kobutu nganaseet. 2Togeet ing'uruukso, kong'uruukyitos; ma muuchi kosar icheeget, ak koba eng' luuleet.
3“Ogas anee, kootap Jakobo, okweek tugul che ng'etune che po kootap Israel—okweek che kaasenok kong'etee sigeeng'wong', ak kaaeetwok kong'etee moet. 4Agoi kalilong'wong' ko anee ineendet, ak agoi kalwalekwok asenok. Kaayaiywok, ak aipok; asenok ak asarwok. b b v4 Ma kergei ak kanamonik che ibendi piik che kugutunyinii, aseni Kwandanyo lagokyik — kong'etee moet agoi kalilot, ma iiste icheek kemisto.
5“Orogendoi ng'oo anee anan oaechaa ak ng'oo? Orogendoi ng'oo anee, si kegergeitu? 6Koroong'ji alak thahabu kong'etee sondanywa ak koweigei fedha eng' ratilit; aldae kitang'indetap thahabu, ak koyai koek kamuktaindet—yeityo kong'uruukyitos, ee, kugutunyji. 7Koeetyi eng' tigigoikwak ak koip; konde eng' oldanyi, ak tononi eng' olooto—kong'etee oldanyi ma itestai. Ngo riircho chii age tugul, ma muuchi kowol anan kosar ineendet eng' nyalildanyi.
8“Obwaat ni ak otononse kimitu; oin eng' mugulelwekwok, okweek ngelelichu. 9Obwaat tuguuk che po tai che kagosiirto keny, amu anee Kwandang'wong', ak ma mi age; anee Kwandang'wong', ak ma mi ne kergei ak anee. 10Amwae let kong'etee taunet, ak kong'etee keny tuguuk che tomo yaak, ale, ‘Tonon magennyu, ak ayai tugul che amache.’ 11Aguur toriityon ne amei panyeek kong'etee ole chomosye asiista, chiito ne yai magennyu kong'etee emet ne loo. Ne kaamwa, aistoi koyaak; ne kaabwaat, ayai. c c v11 Toriityot ne amei panyeek ne bunu ole chomosye asiista ko Kores ne po Persia, ne ki kobar Babeli ak kobakta piigap Kamuktaindet.
12“Ogas anee, okweek che uueen mugulelwek, okweek che loo eng' imanda: 13Aibu imandanyu koneegit— ma loo—ak ma agagei yetunennyu. Akoochin saruunet eng' Zion, toroornatennyu eng' Israel.”