Aru Nganinchinga Ngasāmkakhui
Kharewui ngashitkhami ngasāmkakhui chi arui eina tangda hongda lei, chiya kaji kapong chi, kaja Joshuawui eina ngashitkhami chi mathumana. Kaho kahai katei khani ngashokhaowa: ithumwui Avāwui tui chi kharing eina manglā ngachaida, ot saikora phongshokmi; kala ithumwui thāda kasui kahai pāngmon kharei akha, chiwui vang eina ithumna chihansa̱ vāsai.
4 1Awui ngasāmkakhuili zangkhavai ngashitkhami chi aru nganingchinga jikachangkha, nathumwui alungli khipākha chila chi masamphangthuda thāda leipaishina da ithumna ningngasharphalungra. 2Athumli thāda ithumlila paokaphā hāshok kahaina. Kha shākasā paokaphā china athumli kānkhanā masāmana, khikhalajila shākhuibingna sai thāda athumna chi shitkasang eina mangarummana.
3Shitkasanga ithum china ngasāmkakhui chili zanga, ana hāngkahai thāda: "Iwui malungkhavātli ina khangashit ot sai, athumna iwui ngasāmkakhui chili khipākha mazangrarmara." Chithālala awui otsak chi okathui masāranglakhawui eina thuida kuphai kahaina.
4Khikhalajila kachiwui akhali kashinethangwui pongli ana hānga: "Kala ithumwui Avāna awui otsak saikorawui eina kashinethang ngasāmkhuihaowa."
5Kala latluida chikathā tuipam chili ana hānga, "Iwui ngasāmkakhui chili athum khipākha mazanglakmara."
6Kaikhana chili zangkhavai chi aru leichingda, kala khareli paokaphā samkaphangbing china athumwui kahāng makhanganāwui vang eina mazangrarthuwa jikachangkha,
7chieina ana latluida zimiksho akha kapangkhuiya, "Aja," da atam kasāngkha khaleilaga Davidwui mangā eina hāngda, arui hānghaikasā thāda: "Aja nathumna awui akhon shaakha, nathumwui ning mamararlu."
8Khikhalajila Joshuana athumli chingrihai khangasaka jiakha, ithumwui Avāna khaleilaga khangatei zimiksho akhawui pongli mahāngmilarmana. 9Chithākha, ithumwui Avāwui mibingwui vang Sabbath ngasāmkakhui akha aru leichinga. 10Ithumwui Avāwui ngasāmkakhuili zangkahai a china, ithumwui Avāna awui khalattawui otsak eina ngasāmkhuida thāda, awui otsak eina ngasāmkhuihaira. 11Chieina, chikathā kahāng makhanganā kasākhavā eina khipākha matāror khavai, ngasāmkakhui chili zangkhavai ithumna hotnai phalungra.
12Khikhalajila ithumwui Avāwui Tui chi kharing eina leida ngalang zāra, zankhangasung raighai kachiva̱li lāngda zanmei, wuklung eina manglā, akai eina ara̱kuiwui angating chi ngayar khavai tophutshokta, ningwui kaphaning kala khangarān chi theisera. a a v12 "Ithumwui Avāwui Tui" chi "Varewui tui" chiwui mahutli thuisai — Kathara Varetui hi awui naongarāwui kaphaning kachiva̱ theikahai Avāwui kharing akhonna. 13Awui miktāli ngathum kahai a kathā khipākha maleimana; ithumna ngahānkākhavai a chiwui miktāli saikora khamahong eina kala phongshok eina lei.
14Chieina kazingrambing eina yaokup kahai pāngmon kharei kahak, ithumwui Avāwui Naomayara Jishu, ithumli leikachangkhata, ithumna hāngphong sai shitkasang chi ngaziplak eina singtitsa.
Jishu, Ithumwui Pāngmon Kharei Kahak
15Ithumwui pāngmon kharei chi ithumwui khangazanbing chili lukhamashan pemting masākapai a maningmana, kha ithum thāda apong saikorali chāng tamkahai akha, chithālala morei masāmana. 16Chieina lukhamashan samphang khavai, kala kasak atamli ithumli ngachonmi khavai lukhamashan phā khavai, lukhamashanwui wungpamkhongli ithumna pinglak eina nganaimeisa.
