Kriangnu Gaius khou
Heiya mai pon mai meiri gaye: Gaius ding baom bazin mi loukhut thangnu khatle balumsa zanu lang bi lozaang riniga, kamanu to nwamnu kai thangnupa khat khou cheksin thang nge.
1 1Chwan phunnu eina, bazenu bi eina kriangnu Gaius khou.
2Akriang ga, nakatha lozaang ongnu danga, nang chwan lang bing bi lozaang lang khatle pum sanuga ongsei thang lang ei hweininuwe. 3Unao rwanna hungluga nang om bazenu lang balumsa za lang bi sake tonu kaan bi, ei karo tak ngaak rwe—balangbe nang batakka bazenu bi se ongme. 4Asa rwanna bazenu bi se ongme dinu ngaisunu ga ma, lian inkunu karonu ei khou le maake.
5Akriang ga, nang unao rwan lang, bazin mi nun lang le, tato damnu chwan bing bi balumsaga nang chwan towe. 6Banina rupkathan meithaan bi nang om kriangnu lang bi sake to rwe. Ani Pa khou khopsanu danga bani ding kan thang ngo. 7Balangbe bani Gentile rwan khouna kasem le lou makka, Bameng lang chungna se drwe. a a v7 “Bameng” gana Jisu ding rinnuwe—hei chonglang bing na Maan meng bi se drwe khatle balumsa maknu mi nun khouna tangka paang thangnu lou make. 8Atibriakpina ani bazenu lang chwan to bachamnu nun to lang chungna, hei dannu mi nun ding ga paang thang dingnu rwe.
9Eina rupkathan khou kasem ka hiak ngaake, atiyeda bani lak pi kamanu to nwamnu Diotrephes na ani ding lou thang make. 10Atibriakpina ei hung nge dabe, maanna tonu chwan—sianu chongga ani ding sianu rin damnu—ga indao swaklune. Haba ga imba makka, maanna unao rwan ding lou thang make, loukhut lang nwamnu nun ding ga karakluga, bani ding rupkathan bina kazun sat lune.
11Akriang ga, sianu ga sui bazei mako, atiyeda kasanu ga sui bazeiyo. Tudannu kasanu tonu maan ga ani Pa khouna gaye; tudannu sianu tonu maan ga ani Pa mu mak aang nge. 12Mi bingna Demetrius lang bi lozaang rin damme, khatle bazenu na le hadangaye. Anina le sake piye, khatle ani om sake ga bazenuye dinu nangna theiye.
13Eina nang khou hiak dingnu taswang khak amme, atiyeda che le mukna hiaknu ei nwam make. 14Ei karangga nang mu lang baning nge, khatle ani mai le mai kadouluga chong kabialune. 15Nang khou dai bazaangnu ong ding ngo. Baan rwanna nang ding kalumme. Baan rwan khat khat ding bameng bina kalum thang ngo.