Amaibü Shuong hoba Haoeneibü Lamnyu
Chia atbü shuong thükkabou shanga. Seneibü Bou khangenbou Dawideibü chia.
Kho amaibou maangpon yungnyua phonda, khüyou haoei himshuong to yaangangko dambü, khoei haoeibü shabü mangsenla athük. Hibü himshuong yoa ngüh shisho yoa tokyoan, chia kho seneibü Bou thüka phonda: üeisanou müh sühko nongan, saopobü shongh yaangenbü tegü, maangamaibü shumang che, hoba ngesakbü, khoei senei ngesakbü hapda.
36 1Ngühkhüm lulimbü kho amaibou to jembü maangpon yungnyua lauda; haoeibü nyek thedanga Bou to soumo hatbü aying.
2Aishanga haoei jembü thea himshuong to yaangangko dambü, khoei jembü shabü shangashatko ayingsi kho mangsenda athük. 3Haoeibü sembung kabü ngüh amaibü hoba khüpsilang ki; haoei songsido kibü hoba maibü kümbü nangkei. 4Haoeibü yepshanga ongkei haoei amaibü haiyeida; haoei maibü akibü lama himshuong phoda; haoei amaibü kho amangsen.
5O seneibü Abou, kaibü üeisanou müh sühko nongan, kaibü maanglemenbü sangmei sühko nongan. 6Kaibü saopobü shongh yaangenbü tegü ki, kaibü matjem yungnyu haübü yaangbü tegü ki; O seneibü Abou, nyi müt si meisiau ham khümenda. 7O seneibü Abou, kaibü üeisanou lai namsek ki! Müt pendouei kaibü kaak yemkao phanga hula louda. 8Haoen kaibü chem kabü naangmaibü shauda, hoba nyi kaibü maangamaibü shumang ka haoen to yungbü kuda. 9Aishanga langkei deikük nyi yoa ki; kaibü ngesakbüa senei ngesakbü hapda.
10Ka ngebü shuong to kaibü üeisanou ponpen lenshi, hoba maangpon tangbü shuong to kaibü saopobü phokushi. 11Sekokbü shuongeibü youei ngo thüka teyaüetlang, ayingsi amaibü shuongeibü ikei ngo tesatti. 12Khonei amaibü shuong tuongkei; haoen jinlepan apbei, loenla athükkei.
