Lam ka Satkujan
Loulabü kaodak kho khuthük hangangbü shuong phangto attibü aying, lausikei mütshuong phangto attibü aishanga, hoba shousi shuong seikümseilei sii phela kubü aishanga, Shou tokei seikümseilei lekukei, haibüeibü hangang tuonglabü shanga hoba haibü to hatbüei ponpen pendou thüngan phobü shuong phaiyeila shanga. Hao lolo ngümbü hapjinei, haoei ngümbü hapbü shuong to thuida.
2 1Kheijinei senei ditbü ngüh shanga aeibou nyangetnyu jungeida ong ki, kho tegü senei lam ka satkulabü. 2Aishanga khuthük hangangbü shuong danko lenbü ngüh kaangan kikei, hoba amaibü hoba ngüh ajungeibü pendou la tükde muthüng kukei, 3habü yaangbü khümenbü senei wailetalonga, sen lalokche satenlabü? Ho kho shaang Bunyubouei lenkei, hoba hao to ditbü shuongei sen to shangashatko kukei, 4hoba Bouei kei haoen yoa tetsida, maangpanglabü, seikümseilei phang phang hoba haoeibü maangangbü tegü Soushou Saopobü phela kubü danko aukabü kukei.
Louabü Kaodak
5Aishanga senei lenbü loulabü kaodak kho Bouei khuthük hangangbü shuong phangto attibü aying. 6Homan chema müt cheei aukabü kukei, “Müt kho ai, aieilausi nyi hao damenchühda, ayingsi müteibü shou kho ai, aieilausi nyi hao onouda? 7Nyi hao longche shanga phangkabou yeitikei, khuthük hangangbü shuong khütoje; nyi hao thükto soneikangbü hoba nyenhang phokei, 8jembü pendou hao you na phangto attikei.” Tou Bouei jembü pendou hao phangto attikei, hoba hao phangto aattibü aieikei aki. Lausikei touje jembü pendou Khrista phangto attibü dogo senei ahapjinda.
9Lausikei khuthük hangangbü shuong khütoje longche shanga phangkabou yeibü, hoba haibü khonkubü ka tou soneikangbü hoba nyenhang thükto phoan kibü Jisu kho senei hapda; kho Bou onou danko hao müt pendou shanga haibü jepla shanga ki.
10Jembü pendou hao shanga hoba hao danko kibü Bouei, shou juong soneikangbü to leiyenjinei, haoeneibü khümenbü shaangbou khonkubü danko penan souan kümla kho ong kiteikei. 11Saüenkubou hoba saüenbü shuong pendou Bou che ka louda. Khoei haoei haoen to jaisinasi shuong dogo ngala himouko akida, a a v11 Jisuei saüenbü shuongei hao Bou hamda — haoen hao ponpen yoabü jetei chempen to leianan sungbabei. Haoei haoen to hao jaisinasi shuong dogo ngala himouko akida.
12laukei, “Ngei kü jaisinasi shuong to ka nyen phinthonlabü; kambü shuong kanglanga ngei ka la nyensang chia laulabü.”
13Hoba toukei, “Ngei hao to maanglemlabü.” Hoba toukei, “Chühashi, ngo hanei ki, hoba Bouei ngo la kubü shousi shuong.” b b v13 Jisuei ho ngüh shuong Jisaia thuseibüeibü ngüh ka lauda, Bouei hao ika yoshaibü shousi shuong yoa hao lolo lentijinei — chempen che, Bou che.
14Shousi shuong phe hoba sii hamda; khoei haibü danko haibü hau hapoubou Satan mautila shanga, haokei haoen tegütham phe hoba sii hambei, 15hoba haibü to hatbü ka jembü langkei pendoua aaola lebü shuong pendou kümkaleika litila. 16Aishanga maimaitham haoei khuthük hangangbü shuong to thuibü aying, lausikei Abraham thensilen to thuida. 17Khoei haoei, Bou khangenbü onoubü hoba maanglemlabü thükkabou ungshedbou yeila, hoba mütshuongeibü shabü apbula shanga, jembü pendoua hao jaisinasi shuong tegü yeila ong kiteikei. 18Haoei huonbü jiha hao lolo khonkubü shanga, haoei huonbü shuong to thuila thükda.
