Dur te Bohi Najabi
Ahibole thaka duniya tu sorgodut khan ke nohoi kintu manuh khan ke di dise, aru bacha khan mangso aru khun bhag kore, etu nimite Chokra pora bhi mangso loise, mrityu laga takot bhangai dibole aru mora laga bhoi pora pura jibon bondi thaka khan ke mukti dibole. Nijor porikha pai kene, tai porikha pa khan ke modot kore.
2 1Etu karne, amikhan ki huni loise, eitu te amikhan aru bhi bisi mon dibo lage, nahole amikhan dur te bohi jabo pare. 2Kilemane jodi sorgoduth khan pora kowa kotha tu mojbut thakise, aru sob biya kaam aru hukum namana khan pora thik saja paise, 3titia eneka dangor poritran ke amikhan nalaile, amikhan kineka polai jabo paribo? Eitu poila Prabhu pora koi dise, aru kun khan pora Tar kotha hunise, taikhan pora amikhan ke proman kori dise, 4amar Pitri bhi, chihna khan, asurit kaam khan, alag alag kisim laga mohima kaam khan, aru Tar itcha hisab te Pobitro Atma banti diya pora, taikhan logot te gawahi dise.
Ahhibole Thaka Prithibi
5Kilemane, amikhan ki ahhibole thaka prithibi laga kotha koi ase, eitu ke amar Pitri pora sorgoduth khan ke nichete rakha nai. 6Kunba ekjon pora kun ba ekta jagate gawahi dise, “Manuh tu ki ase, Apuni Tar ke yaad kori ase? Nahole manuh laga putro tu ki ase, Apuni Tar nimite chinta kori ase? 7Apuni Tar ke olop somoi nimite sorgoduth khan pora niche banai dise; Apuni Tar ke mohima aru sonman laga mukut pindhai dise, 8sob jinis ke Tar theng nichete rakhise.” Etiya sob jinis ke Tar nichete rakhi diya homoi te, amar Pitri pora Tar niyontron laga bahar te eku bhi chari diya nai. Kintu etiya tak, sob jinis Khrista nichete diya, amikhan etiya tak dikhi panai.
9Kintu amikhan Jisu ke dikhi ase, Kun ke olop somoi nimite sorgoduth khan pora niche banaise, kintu Tar mrityu laga dukh pa-a nimite, etiya Tar ke mohima aru sonman laga mukut pindhai dise, titia amar Pitri laga anugrah pora Tar sob manuh nimite mrityu laga swad lobo.
10Kilemane Kun karne aru Kun pora sob jinis ase, hei amar Pitri pora, bisi putro khan ke mohima te anibole, taikhan laga poritran laga aguwa manuh ke dukh pa-a pora purna koribo, eitu thik asele. 11Kun pora pobitro kore, aru kun khan pobitro hoi, taikhan sob ekjon Pitri pora ahhise. Etu karne Tar ke taikhan ke bhai aru bhoini mati bole sorom nalage, a a v11 Jisu kun khan ke pobitro kore, taikhan Tar Pitri ke bhag loi — Tar ke juge-juge thaka hei ekta poribar bhitor te taikhan ke wapas anise. Tar ke taikhan ke bhai aru bhoini mati bole sorom nalage.
12eneka koi kene, “Moi Apuni laga nam ke moi laga bhai aru bhoini khan ke prachar koribo; sabha majot te Moi Apuni laga stuti gabo.”
13Aru bhi, “Moi Tar uporte biswas koribo.” Aru bhi, “Sabi, Moi iyate ase, aru amar Pitri pora Moi ke diya bacha khan.” b b v13 Jisu pora eitu kotha khan Isaiah laga bhabobani pora koi ase, amar Pitri pora Tar ke jimma diya bacha khan logote Tar nijor ke dikhai di kene — ekta poribar, ekjon Pitri.
14Kilemane bacha khan gau-mangso aru khoon te bhag loi, etu karne Tar bhi taikhan logote eitu bhag loise, titia mrityu pora Tar, mrityu laga khomota dhori thaka ekjon ke — mane soitan ke — khotom koribo, 15aru kun khan mrityu laga bhoi pora taikhan laga pura jibon te noukar hoi thakise, taikhan sob ke chari dibo. 16Kilemane hosa bhi Tar sorgoduth khan ke modot kora nai, kintu Abraham laga bongso khan ke modot kore. 17Etu karne, amar Pitri laga sewa kori thaka ekjon doya aru biswasi moha-purohit hobole, aru manuh khan laga paap khan ke maph kori dibole, Tar sob kisim te Tar bhai aru bhoini khan nisina hobo lagise. 18Kilemane Tar nijor porikha pa-a homoi te dukh paise, etu karne porikha te thaka khan ke Tar modot koribo pare.