Jisu uporte suku lagai rakhibi
Musa amar Pitri laga ghor te biswasi thakise; Jisu pora etu ghor bonaise. Itu pora likhawala jongol te thaka khan laga kotha koi jun khan awaj hunise aru tinu bhi mon tan kori dise, aru etu ke sidha laga dei: din-din ekjon-dusra ke hahosh dibi, jitia tak etu ke aji koi thake, kunba bhi paap laga thogai pora mon tan nohobole.
3 1Etu nimite, sorgo laga mati te bhag luwa pobitro bhai khan, ami shikar kora Jisu, prerit aru moha purohit tu ke bhabi sabi. 2Tar ke niyukti kora Jon logote Tar biswasi thakise, jineka Musa bhi amar Pitri laga pura ghor te biswasi thakise. 3Jisu tu Musa pora bohut bisi mahima pabole thik ase, jineka ekta ghor bona manuh tu hei ghor pora bisi sonman pabole thik ase. 4Kilemane sob ghor kunba ekjon pora bona hoise, kintu sob jinis bona Jon tu amar Pitri ase. 5Musa tu amar Pitri laga pura ghor te biswasi thakise, pichete kowa hobole thaka kotha khan laga gawahi diya ekjon noukar hoi kene. 6Kintu Khrista tu, Putro hoi kene, Tar ghor uporte biswasi ase. Aru amikhan Tar ghor ase—jodi ami phutani kora biswas aru asha tu mojbut pora dhori rakhe.
7Etu nimite, Pobitro Atma pora kowa nisena: “Aji, jodi tumikhan Tar awaj hune, a a v7 Ibrani laga kitab tu Shastro ke Pobitro Atma laga jinda awaj hisab te mane — jun Atma bhabobadi khan dwara kotha koise, hei Atma he aji amikhan ke kotha koi ase, amikhan ke amar Pitri laga aram te matikena. 8tumikhan bidroho te kora nisena, jongol te porikha kora din te, tumar mon khan tan nakoribi, 9ta te tumar baba purbo khan pora Moi ke porikha korise aru chalis saal tak Moi laga kaam khan dikhise. 10Etu nimite Moi hei jamana logote khong hoise, aru Moi koise, ‘Tarkhan laga mon khan hodai berai thake, aru tarkhan Moi laga rasta khan najane.’ 11Etu nimite Moi laga khong te Moi kosom khaise, ‘Tarkhan kitia bhi Moi laga aram te gusibo naparibo.’”
12Bhai khan, hoshiar thakibi, tumikhan kun logote bhi jinda Pitri ke chari diya biya aru abiswasi mon nathakibo nimite. 13Kintu “aji” koi thaka homoi te, hodai ekjon-ekjon ke mon dangor koribi, titia tumikhan kun bhi paap laga thogai pora tan nahobo. 14Kilemane jodi ami prothom laga biswas tu hosa pora ses tak mojbut kori dhori rakhe, titia ami Khrista logote bhag luwa manuh hoi jaise. 15Jineka kowa ase: “Aji, jodi tumikhan Tar awaj hune, tumikhan bidroho kora homoi nisena tumar mon khan tan nakoribi.”
16Kun pora huni kene bidroho korise? Musa dwara Mishor pora ulai aha sob manuh he nohoi na? 17Chalis saal tak Tar kun logote khong hoise? Jun khan paap korise, aru jun khan laga gaw jongol te girise, tarkhan logote he nohoi na? 18Kotha namana khan ke chari kene, kun khan Tar aram te kitia bhi gusibo naparibo koi kene Tar kosom khaise? 19Etu nimite ami dikhe, biswas nathaka karone tarkhan gusibo para nai.