ساردئسه
داها اوچ مکتوب. ساردئسئن دئری اولماق آدی وار، آمّا اؤلودور، عمل‌لری آتاسینین حوضوروندا تامام اولمامیش. فیلادِلفئیانین گوجو آزدیر، آمّا سؤزونو ساخلاییب، اونا گؤره هچ کسئن باغلایا بئلمه‌دئیی آچیق بئر قاپی. لائودئکئیا اؤزونو وارلی چاغیریر، آمّا چیلپاقدیر. او قاپینی دؤیَرَک گؤزله‌یئب دایانیر.
3 1«ساردئسده‌کی کئلئسانین ملکئنه یاز: آتامیزین یدّی روحونو و یدّی اولدوزو الئنده توتان بله بویورور: عمل‌لرئنی بئلئرم. آدین وار کی، دئری‌سن، آمّا اؤلوسن.
2«اویان! قالان و اؤلمَک اوزره اولانلاری قووّتلَندئر، چونکی عمل‌لرئنی آتامین حوضوروندا تامام اولموش تاپمامیشام. 3اونا گؤره نجه آلیب اشئتدئیئنی یادینا سال؛ اونو ساخلا و گری دؤن. اگر اویاق قالماسان، اوغرو کئمی گله‌جه‌یم و هانسی ساعاتدا یانینا گله‌جه‌یئمی بئلمیه‌جکسن. 4آمّا ساردئسده پالتارلارینی بولاشدیرمامیش بئر نچه آدامین وار. اونلار آغ پالتاردا منئمله گزه‌جکلر، چونکی لایئقدئرلر. 5قالئب گلن اونلار کئمی آغ پالتار گیئنه‌جک، و آدینی حیات کئتابیندان اصلا سئلمیه‌جه‌یم. آدینی آتامین و اونون ملکلرئنئن قاباغیندا ائقرار اده‌جه‌یم. 6قولاغی اولان، موقدّس روحون کئلئسالارا نه ددئیئنی اشئتسئن.
فیلادِلفئیایا
7«فیلادِلفئیاده‌کی کئلئسانین ملکئنه یاز: موقدّس و حقئقی اولان، داوودون آچارینی الئنده توتان، آچاندا هچ کسئن باغلایا بئلمه‌دئیی، باغلایاندا هچ کسئن آچا بئلمه‌دئیی بله بویورور:
8«عمل‌لرئنی بئلئرم. باخ، قاباغیندا هچ کسئن باغلایا بئلمه‌دئیی آچیق بئر قاپی قویموشام، چونکی گوجون آزدیر، آمّا سؤزومو ساخلادین و آدیمی ائنکار اتمه‌دئن. 9باخ، شیطانین کنئسه‌سئندن اولان بعضی آداملاری سنه وره‌جه‌یم — اونلار کی، اؤزلرئنی یهودی آدلاندیریرلار، آمّا یهودی دیئللر، یالان دانیشیرلار — اونلاری گتئره‌جه‌یم کی، گلئب سنئن آیاقلارینین قاباغیندا سجده اتسئنلر و سنی سودئیئمی بئلسئنلر. 10چونکی منئم صبر کلامیمی ساخلادین، من ده سنی یر اوزونده یاشایانلاری ائمتاحان اتمک اوچون بوتون دونیانین اوستونه گلن ائمتاحان ساعاتیندان قورویاجاغام. 11تِزلئکله گلئرم. الئنده اولانی برک ساخلا کی، هچ کس تاجینی آلماسین. 12قالئب گلنی آتامین معبدئنده بئر سوتون اده‌جه‌یم، و او اصلا اورادان چیخمایاجاق. اوستونه آتامین آدینی، آتامین شهرئنئن آدینی، یعنی آتامدان گؤیدن اِنَن تزه اورشلئمئن آدینی و منئم تزه آدیمی یازاجاغام. a a v12 بورادا عئسا تاری حاقّیندا دانیشاندا، آتانی آدلاندیریر — اونو گؤندَ‌رَن، معبدئنی تئکدئیی و شهری گؤیدن اِنَن آتانی. 13قولاغی اولان، موقدّس روحون کئلئسالارا نه ددئیئنی اشئتسئن.
لائودئکیایا
14«لائودئکیاده‌کی کئلئسانین ملکئنه یاز: آمئن اولان، صادئق و حقئقی شاهئد، آتامیزین خئلقتئنئن باشلانیشی بله بویورور: b b v14 عئسا او کسدئر کی، آتامیز هر شیی اونون واسئطه‌سی‌ائله یاراتدی — او، یارادیلان ائلک شی دیئل، آمّا بوتون خئلقت اونون واسئطه‌سی‌ائله واروجودا گلئب (یوحنّا ۱:۳؛ کولوسّه‌لی‌لر ۱:۱۶).
15«عمل‌لرئنی بئلئرم: نه سویوقسان، نه ده ائستی. کاشکی یا سویوق، یا دا ائستی اولایدین! 16اونا گؤره، ائلیق اولدوغون اوچون — نه ائستی، نه ده سویوق — سنی آغزیمدان توپورمک اوزره‌یم. 17چونکی دیئرسن: ”وارلی‌یام، دؤولتلَنمئشم و هچ نه‌یه مؤحتاج دیئلم،“ آمّا بئلمئرسن کی، بدبخت، یازیق، یوخسول، کور و لوتسان. 18سنه مصلحت ورئرم: مندن اودلا تصفیه اولونموش قیزیل آل کی، وارلی اولاسان؛ گیئنمک اوچون آغ پالتار آل کی، لوتلوغونون اوتانجی آشکار اولماسین؛ و گؤزلرئنه سورتمک اوچون مرهم آل کی، گؤره‌بئله‌سن. 19سِودئیئم آداملاری دانلاییب تربئیه ادئرم. اونا گؤره غیرتلی اول و تؤوبه ات. 20باخ! قاپیدا دایانیب دؤیورم. کئم سسئمی اشئدئب قاپینی آچسا، یانینا گئره‌جه‌یم، اونونلا یمک یئیه‌جه‌یم، او دا منئمله. 21قالئب گلنی اؤز تختئمده منئمله بئرلئکده اَیلَشدئره‌جه‌یم، نجه کی، من ده قالئب گلدئم و آتاملا بئرلئکده اونون تختئنده اوتوردوم. 22قولاغی اولان، موقدّس روحون کئلئسالارا نه ددئیئنی اشئتسئن.»
