عئزّت سنه عایئددیر
«اونلارین تاریلاری هارادادیر؟» کئنایه‌سئنه جاواب وره‌رک، مزمور موقایئسه ادر. بوتلرئن آغیزلاری، گؤزلری و قولاقلاری وار، آمّا هچ نه اتمزلر، و اونلاری دوزَ‌لدنلر ده دوزَلتدئکلری کئمی جانسیز اولارلار. اوچ دسته‌یه دیئلئر کی، اونون یرئنه آتامیزا توکّول اتسئنلر: ائسرایئل، هارون نسلی و اوندان قورخانلارین هامیسی.
115 1بئزه یوخ، ای آتا، بئزه یوخ، آنجاق اؤز آدینا عئزّت ور، سنئن محبّتئن و وفادارلیغین اوچون.
2نئیه مئلّتلر دئسئنلر: «ائندی اونلارین تاریلاری هارادادیر؟» 3آتامیز گؤیلرده‌دیر؛ نه ائسته‌سه، اونو ادر. 4اونلارین بوتلری گوموش و قیزیلداندیر، ائنسان اَلئنئن ائشی‌دئر. 5آغیزلاری وار، آمّا دانیشا بئلمزلر؛ گؤزلری وار، آمّا گؤره بئلمزلر؛ 6قولاقلاری وار، آمّا اشئده بئلمزلر؛ بورونلاری وار، آمّا ائی بئله بئلمزلر؛ 7اَللری وار، آمّا توخونا بئلمزلر؛ آیاقلاری وار، آمّا یِرئیه بئلمزلر؛ بوغازلاریندان هچ سَس چیخماز. 8اونلاری دوزَ‌لدنلر اونلار کئمی اولارلار، اونلارا توکّول ادن هرکس ده بله‌دئر.
9ای ائسرایئل، آتامیزا توکّول ات! او، اونلارین کؤمه‌یی و قالخانیدیر. 10ای هارون نسلی، آتامیزا توکّول ادئن! او، اونلارین کؤمه‌یی و قالخانیدیر. 11ای آتامیزدان قورخانلار، اونا توکّول ادئن! او، اونلارین کؤمه‌یی و قالخانیدیر.
12آتامیز بئزی یادا سالدی؛ او بئزه برکت وره‌جک. ائسرایئل نسلئنه برکت وره‌جک؛ هارون نسلئنه برکت وره‌جک؛ 13آتامیزدان قورخانلارا برکت وره‌جک، حم کئچئکلره، حم بؤیوکلره.
14قوی آتامیز سئزی داها دا چوخالتسین، سئزی و اؤولادلارینیزی. 15قوی گؤیو و یری یارادان آتامیز طرفئندن برکت آلاسینیز.
16گؤیلر آتامیزین گؤیلری‌دئر، آمّا یری ائنسانلارا ورئب. 17اؤلولر آتامیزا حمد اتمَزلر، سوکوتا اِنَنلرئن هچ بئری ده اتمز. 18آمّا بئز آتامیزا ائندئدن تا ابده کئمی حمد اده‌جیئک. هللویاه!
