መዝሙር 75

75 ¹አባታችን ሆይ፣ እናመሰግንሃለን፤ እናመሰግንሃለን፤ ስምህ ቅርብ ነውና። ሰዎች ድንቅ ሥራዎችህን ይናገራሉ።

²“በመረጥሁት በተወሰነው ጊዜ በቅንነት እፈርዳለሁ።

³“ምድርና በእርሷ የሚኖሩ ሁሉ በሚንቀጠቀጡበት ጊዜ፣ ዐምዶቿን አጽንቼ የያዝሁ እኔ ነኝ። ⁴ትዕቢተኞችን፣ ‘አትታበዩ፤’ ክፉዎችንም፣ ‘ኀይላችሁን ከፍ አታድርጉ፤’ እላቸዋለሁ። ^a a v4 እዚህ ላይ “ቀንድ” ኀይልንና ትዕቢትን ያመለክታል፤ “ቀንድን ማንሣት” ማለት የራስን ኀይል ከፍ ከፍ ማድረግ ማለት ነው። ⁵ኀይላችሁን በታላቅ ትዕቢት ከፍ አታድርጉ፤ በእንዲህ ያለ ኩራት አትናገሩ።”

⁶ከምሥራቅ ወይም ከምዕራብ፣ ከምድረ በዳም የሚመጣ ራሱን ከፍ ሊያደርግ የሚችል ማንም የለም። ⁷የሚፈርደው አባታችን ነውና፤ አንዱን ዝቅ ያደርጋል፣ ሌላውንም ከፍ ያደርጋል። ⁸በአባታችን እጅ የሚያረግ ወይን በደንብ የተቀላቀለበት ጽዋ አለ፤ እርሱም ያፈሰዋል፤ የምድር ክፉዎች ሁሉ እስከ ዝቃጩ ድረስ ጠጥተው ይጨርሱታል። ⁹እኔ ግን ይህን ለዘላለም አውጃለሁ፤ ለያዕቆብ አምላክ እዘምራለሁ።

¹⁰“የክፉዎችን ኀይል ሁሉ እቈርጣለሁ፤ የጻድቃን ኀይል ግን ከፍ ከፍ ይላል።”