Asaph laga Biswas laga Git
Git cholawta nimite: “Binas Nakoribi” laga sur te. Asaph laga ekta bhajan. Ekta git.
Manuh khan dhanyavad di ase, titia amar Pitri nijor pora kotha koi: Tai bichar laga somoi thik kore, prithibi laga khuta khan ke thik pora dhori rakhe, aru phutani kora khan ke taikhan laga takot dikhai thaka bondh koribole koi. Uthai diya to naksha te kono dikh pora nahe; Tai ekjon ke tolte namai aru dusra ke upor te uthai.
75 1Amar Pitri, amikhan Apuni ke dhanyabad di ase; amikhan dhanyabad di ase, kilemane Apuni laga nam usor te ase. Manuh khan Apuni laga asurit kaam khan laga kotha koi ase.
2“Moi basi luwa thik homoi te, Moi niyai pora bisar koribo.
3“Jitia prithibi aru etu uporte thaka sob manuh kape, tetiya etu laga khamba khan ke mojbut pora dhori thaka jon tu Moi he ase. 4Moi phutani kora khan ke koi ase, ‘Phutani nakoribi,’ aru biya manuh khan ke, ‘Tumar takot untcha nakoribi.’ a a v4 Yate “seng” tu takot aru phutani dikhai ase — “seng untcha kora” motlob nijor laga takot ke dangor kora ase. 5Eneka phutani pora tumar takot untcha nakoribi; eneka ghamando pora kotha nakobi.”
6Kilemane purab nahole paschim pora kun bhi, nahole jongol pora bhi, nijor ke untcha koribo naparibo. 7Bisar kora jon tu amar Pitri he ase; Tai ekjon ke niche namai diye, aru dusra ke untcha kore. 8Amar Pitri laga hath te ekta kup ase, jhaag ula draksha-ros pora bhorta, bhal pora milai kene, aru Tai etu ke dhali diye; prithibi laga sob biya manuh khan etu laga kakor tak khai khotom koribo lage. 9Kintu moi etu ke hodai nimite prachar koribo; moi Jakob laga Isor ke stuti git gabo.
10“Moi biya manuh khan laga sob takot kati phelabo, kintu dharmik manuh khan laga takot untcha kori dibo.”