Basadi Batedwa mu Khumbu Zawu
Beseleli wátedwa mu khumbu amana wázadiswa ni Kitembu kya Nzambi — ngangu, nduka yi mudimu wa moku — ha kimosi yi Ololiyabi, amana ngangu yásiwa mu mbundu ya kosu musadi wa mudimu wa luzolu. Buna Sabata dyáhanwa hanga kidimbu kya bulunda bwabu. Tata wetu wáheka Moyize bitini bya matadi bina byasonama ni mulembu wandi kibeni.
Tata wetu kisi zonza mu mavese 2–11, 13–17
31 1Tata wetu wázimbula kwena Moyize:
2«Tala, yítedi mu khumbu Beseleli mwana wa Uli, mwana wa Hulu, wa butuka dya Yuta, 3amana yámuzadisa ni Kitembu kyama, ni ngangu, ni nduka, ni mazaya, amana ni mudimu wosu, 4hanga kabánza bifwanisu bya kitoku, mu kusala mu wolu, mu phalata, yi mu ndisu, 5mu kuzenga matadi ma kusya, yi mu kuzenga miti, mu kusala mu mitindu myosu mya mudimu. 6Meni-meni yísola Ololiyabi mwana wa Ahisamaki, wa butuka dya Dani, hanga kasala kumosi yi yandi. Yísya ngangu mu mbundu ya kosu musadi wa mudimu, hanga balenda kusala mana moosu yikutumini. 7Sombolu dya lukutakanu, mukunzu wa kimbangi, munoku wa ndoluka wuna hana thandu yandi, amana bilekwa byosu bya sombolu, 8mesa yi bilekwa byandi, muzanga wa mwinda wa kasemi ni bilekwa byandi byosu, yi mesa ma kuyokila pfwabidi; 9mesa ma kimenga kya kuyoka ni bilekwa byandi byosu, yi dilonga ni kitelamunu kyandi; 10miledi mya kutunga, miledi myatoma mya Loni nganga Nzambi, amana miledi mya bana bandi mya kisalu kya banganga Nzambi, 11amana masi ma kusita, yi pfwabidi ya tsudi ya kitoku ya kizika kyatoma. Bafweti basala mawu kaka bwosu yikutumini.»
Sabata Dyahana hanga Kidimbu
12Amana Tata wetu wázimbula kwena Moyize:
13«Ngeyi-meni zimbula kwena bisi Kiseledi: Kuluta byosu, lundenu masabata mama—kidimbu ha kati kya meni yi benu, mu mbandu zoosu, hanga luzaya ni meni, Tata wenu, yisi lutomisa. a a v13 Tata wetu wéhana Sabata hanga kidimbu kina kisi songila ni yandi-meni, ka ngolu za bawu-bawu ku, yisi vambisa batu bandi hanga batu ba kitoma. 14Lundenu Sabata—dyenina dyatoma kwena benu. Wuna wusumuna dyawu, bafweti kumuhonda buna bufwani; wuna wusadi kisalu mu dyawu, kazéngwa mu batu bandi. 15Bilumbu bisambanu kisalu kilenda kusalama, kaasi kilumbu kya tsambwadi kyenina Sabata dya kilembwadi kyalungila, dyatoma kwena meni. Wosu wuna wusadi kisalu mu kilumbu kya Sabata, bafweti kumuhonda buna bufwani. 16Bisi Kiseledi bafweti lunda Sabata, mu kusadila Sabata mu mbandu zoosu hanga bulunda bwa kuzinga mvula muna mvula. 17Dyenina kidimbu ha kati kya meni yi bisi Kiseledi, mvula yi mvula: mu bilumbu bisambanu yásala zilu yi tsi; mu kilumbu kya tsambwadi yálembwa amana kitembu kyama kyálembika.»
18Ha kámanisa kuzonza yi Moyize ha mongu wa Sinayi, wámuheka bitini byodi bya matadi bya kimbangi, bitini bya matadi, bina bisonikwa mu mulembu wa Tata wetu.
