Obiara Nnwane Mfi Agya no Nsam
Baabiara nni hɔ a obi bɛtumi akɔsuma afi yɛn Agya anim — ɛnyɛ ɔda mu, ɛnyɛ ɔsoro, ɛnyɛ ɛpo ase. Nanso wosowosoɔ no yɛ ntɛtɛ, na abopɛ baako mpo ntɔ fam. Asɛm a ɛtwa toɔ ne nsiesieɛ: wɔbɛma Dawid ntamadan a abubu no so, nnipa bɛtena nkuro a asɛe no mu, na wɔbɛdua Israel na wɔrentu no bio da.
Yɛn Agya kasa wɔ nkyekyɛmu ahorow 1–4, 7–15
9 1Mihuu Otumfo Agya sɛ ogyina afɔremuka no nkyɛn, na ɔkae se, “Bɔ adum no atifi ma apon ano nwosow, na bubu no gu wɔn nyinaa ti so; wɔn a wɔbɛka no, mede afoa bekum wɔn. Wɔn mu baako mpo renguan, wɔn mu baako mpo renyi ne ho. 2Ɛwɔ mu sɛ wɔtutu fam kɔ adamoa mu de, me nsa bɛfa wɔn afi hɔ; ɛwɔ mu sɛ wɔforo kɔ ɔsoro de, mɛtwe wɔn afi hɔ aba fam. 3Ɛwɔ mu sɛ wɔde wɔn ho sie Karmel atifi de, mɛhwehwɛ wɔn afi hɔ na makyere wɔn; ɛwɔ mu sɛ wɔde wɔn ho sie mʼani so wɔ po ase de, mɛhyɛ ɔwɔ no wɔ hɔ, na ɔbɛka wɔn. 4Ɛwɔ mu sɛ wɔkɔ nnommum mu wɔ wɔn atamfo anim de, mɛhyɛ afoa no wɔ hɔ, na ɛbɛkum wɔn; mede mʼani bɛsi wɔn so ama bɔne, na ɛnyɛ papa.”
5Otumfo no, ɔsoro asraafo Agya no—ɔno na ɔde ne nsa ka asase na ɛnane, na wɔn a wɔte so nyinaa di awerɛhow; ne nyinaa sɔre te sɛ Nil, na ɛsiane te sɛ Misraim Nil, 6ɔno na ɔsi ne abansoro adan wɔ ɔsoro, na ɔde ne ntamaban si asase so, ɔno na ɔfrɛ po mu nsu, na ɔhwie gu asase ani so—yɛn Agya ne ne din.
7“So monnte sɛ Kusfo mma wɔ mʼani so, Israel mma?” yɛn Agya na ɔse. “So ɛnyɛ me na miyii Israel fii Misraim asase so, na miyii Filistifo fii Kaftor, ne Aramfo fii Kir? 8Hwɛ, Otumfo Agya ani wɔ ahenni bɔnefo no so, na mɛsɛe no afi asase ani so— nanso merensɛe Yakob fi no koraa,” yɛn Agya na ɔse. 9“Efisɛ hwɛ, mɛhyɛ, na mawosow Israel fi wɔ amanaman nyinaa mu, sɛnea obi wosow aburow wɔ ntɛtɛ mu no, nanso abo ketewa baako mpo rentɔ fam. 10Me nkurɔfo mu nnebɔneyɛfo nyinaa bɛwuwu afoa ano—wɔn a wɔka se, ‘Amanehunu rento yɛn anaa ɛrenhyia yɛn.’”
Agya no Siesie Ne Nkurɔfo Bio
11“Saa da no, mɛma Dawid ntamadan a abu no so bio, na masiesie ne mpaapaemu, na mama ne mmubu so, na masi no bio sɛ tete nna no mu, 12sɛnea wɔbɛfa Edom nkaefo no ne amanaman a wɔde me din afrɛ wɔn no nyinaa ayɛ wɔn de,” yɛn Agya a ɔyɛ eyi na ɔse.
13“Nna no reba,” yɛn Agya na ɔse, “a nea ɔfuntum asase no bɛto nea otwa aburow no, na nea otiatia bobe no bɛto nea ogu aba no; mmepɔw bɛtɔtɔ nsa dɛ, na ɛbɛsen wɔ nkoko nyinaa so. a a v13 Asɛm no kyerɛ sɛ: nnɔbae bɛdɔɔso araa ma aburow twa bɛkɔ akɔka aba gu a edi so no ho, na bobe tiatia akɔka aba gu bere ho — nneɛma bebree a ɛyɛ anwonwa a obi rentumi nsusuw. 14Mɛsan ama me nkurɔfo Israel adi yiye, na wɔbɛsan asi nkurow a abubu no na wɔate mu; wɔbɛyɛ bobe nturo na wɔanom mu nsa, na wɔayɛ nturo na wɔadi mu aba. 15Mɛdua wɔn wɔ wɔn ankasa asase so, na wɔrentu wɔn bio da mfi asase a mede ama wɔn no so,” mo Agya na ɔse.
