Gũtirĩ Mũndũ Ũngĩhonoka Guoko kwa Ithe witũ
Gũtirĩ kũndũ kũngĩĩhitha Ithe witũ — ti mbĩrĩrainĩ, ti igũrũ, ti thĩ ya iria. No kũinainia kũu nĩ gĩtarũrũ, na gũtirĩ ihiga o na rĩmwe rĩkaagũa. Kiugo kĩa mũthia nĩ gwaka rĩngĩ: gĩthũnũ kĩa Daudi kĩrĩa kĩgwĩte kĩrũgamio, matũũra marĩa manangĩtwo magĩe andũ, nayo Isiraeli ĩhaandwo ĩtigacooka kũmunywo.
9 1Nĩndoonire Ithe witũ ũrĩa Mũnene arũgamĩte hakuhĩ na kĩgongona, nake akiuga atĩrĩ: “Hũũra ciongo cia itugĩ nĩguo hingĩro ciinaine, na ũcimemende igũrũ rĩa mĩtwe yao othe; nao arĩa magaatigara nĩngamooraga na rũhiũ rwa njora. Gũtirĩ o na ũmwe ũkoora, gũtirĩ o na ũmwe ũkaahonoka. 2O na mangĩenja magĩthiĩ nginya mbĩrĩrainĩ, kuo guoko gwakwa nĩgũkaamaruta; o na mangĩhaica magĩthiĩ nginya igũrũ, nĩngamaharũrũkia kuo. 3O na mangĩĩhitha igũrũ rĩa kĩrĩma gĩa Karimeli, kũu nĩngamacaria ngaamanyiita; o na mangĩĩhitha maitho makwa gĩtinainĩ kĩa iria, kũu nĩngaatha nyoka, nayo ĩkaamarũma. 4O na mangĩthiĩ ũkomboinĩ marĩ mbere ya thũ ciao, kũu nĩngaatha rũhiũ rwa njora, naruo rũkamooraga; nĩngamerorera na maitho makwa nĩ ũndũ wa ũũru, no ti wa wega.”
5Ithe witũ ũrĩa Mũnene, o we Ithe witũ wa mbũtũ cia ita cia igũrũ—ũrĩa ũhutagia thĩ nayo ĩgatweka, nao arĩa othe matũũraga kuo makarĩra; thĩ yothe ĩkaambata ta Nili, na ĩgathiĩ na thĩ ta Nili wa Misiri, 6ũrĩa wakaga tũnyũmba twake twa igũrũ kũu matuinĩ, na akaamba kĩhumbĩri gĩake igũrũ rĩa thĩ, ũrĩa wĩtaga maaĩ ma iria, akamaita igũrũ rĩa thĩ—Ithe witũ nĩrĩo rĩĩtwa rĩake.
7“Githĩ inyuĩ mũtihaana ta ciana cia Akushi harĩ niĩ, inyuĩ ciana cia Isiraeli?” ũguo nĩguo Ithe witũ ekuuga. “Githĩ ndiarutire Isiraeli kuuma bũrũri wa Misiri, na Afilisti kuuma Kafitori, na Aaramu kuuma Kiri? 8Atĩrĩrĩ, maitho ma Ithe witũ ũrĩa Mũnene marĩ igũrũ rĩa ũthamaki ũrĩa wĩhia, na nĩngaaũananga ũndute igũrũ rĩa thĩ— no ndikaananga biũ nyũmba ya Jakubu,” ũguo nĩguo Ithe witũ ekuuga. 9“Nĩgũkorwo atĩrĩrĩ, nĩngaathana, na nĩngainainia nyũmba ya Isiraeli ndũũrĩrĩinĩ ciothe, o ta ũrĩa ngano ĩinainagio gĩtarũrũinĩ, no gũtirĩ ihiga o na rĩmwe rĩkaagũa thĩ. 10Ehia othe a andũ akwa makaakua na rũhiũ rwa njora—o arĩa moigaga atĩrĩ, ‘Mwanangĩko ndũgaatũkinyĩra o na kana ũtũtũnge.’”
Ithe witũ Acookeria Andũ ake
11“Mũthenya ũcio nĩngaarũgamia gĩthũnũ kĩa Daudi kĩrĩa kĩgwĩte, njiyũrie mĩanya yakĩo, na ndũgamie kũrĩa kwanangĩtwo, na ndĩkĩake rĩngĩ o ta matukũ ma tene, 12nĩgeetha megwatĩre matigari ma Edomu na ndũũrĩrĩ ciothe iria itanĩtio na rĩĩtwa rĩakwa,” ũguo nĩguo Ithe witũ ekuuga, o we wĩkaga ũndũ ũyũ.
13“Matukũ nĩmaroka,” ũguo nĩguo Ithe witũ ekuuga, “rĩrĩa mũrĩmi akaakinyĩra mũgethi, nake mũrangi wa thabibũ akinyĩre mũhaandi wa mbeũ; irĩma ikaataata ndibei njega, natuo tũrĩma tuothe tũtherere nayo. a a v13 Mũhianĩre: magetha makaingĩha mũno nginya kũgetha ngano gũkanyiitana na kũhaanda kũrĩa gũgũũka, naguo kũranga thabibũ gũgatoonyerera kĩmera kĩa kũhaanda — kĩama kĩa ũingĩ ũtangĩĩhoteka. 14Nĩngaacookeria andũ akwa a Isiraeli ũgaacĩru wao, nao nĩmagaaka rĩngĩ matũũra marĩa maanangĩtwo na matũũre kuo; makaahaanda mĩgũnda ya mĩthabibũ, manyue ndibei yayo, makaarĩma mĩgũnda marĩe matunda mayo. 15Nĩngaamahaanda bũrũriinĩ wao ene, na matikacooka kũmunywo rĩngĩ kuuma bũrũri ũrĩa ndĩmaheete,” ũguo nĩguo Ithe wanyu ekuuga.