እዝራ 10 FHB Father's Heart Bible™

10 ¹ዔዝራ እናፀለየን እናተናዘዘን እናበኸየ ኣብ ቅድሚ ቤት ኣቦና እናተደፍአን እንተሎ፥ የመና ዓብዪ ጉባኤ እስራኤል፥ ሰብኡትን ኣንስትን ቈልዑን፥ ናብኡ ተኣከቡ፤ እቲ ህዝቢ ድማ መሪር ብኽያት በኸየ። ²ሽዑ ሰካንያ ወዲ የሒኤል፥ ካብ ደቂ ዔላም ሓደ ዝኾነ፥ ንዔዝራ ከምዙይ በሎ፦ “ንሕና ንኣቦና በዲልና፥ ካብ ህዝቢ እታ ምድሪ ድማ ጓኖት ኣንስቲ ኣእቲና ኢና። እዙይ ኮይኑ ግና፥ ንእስራኤል ሕዚውን ተስፋ ኣሎ። ³ስለዙይ ሕዚ፥ ከምቲ ጐይታይን እቶም ብትእዛዝ ኣቦና ዝንቀጥቀጡን ዝመኸሩ፥ ነዘን ኵለን ኣንስቲ ምስ ደቀን ክንሰዶ፥ ምስ ኣቦና ኪዳን ንእቶ፤ ከምቲ ሕጊ ድማ ይገበር። ⁴እዝ ነገር እዙይ ኣባኻ ዝተፀገዐ እዩ እሞ፥ ተልዓል፤ ንሕና ኸዓ ምሳኻ ኢና። በርትዕ፥ ግበሮ ኸዓ” በሎ።

⁵ሽዑ ዔዝራ ተሲኡ፥ ነቶም ሓለቓ ካህናት፥ ንሌዋውያን፥ ንብዘሎ እስራኤልን ከምቲ ዝተዋዓዓልዎ ክገብሩ ኣምሓሎም። ንሳቶም ድማ መሓሉ።

⁶ሽዑ ዔዝራ ኻብ ቅድሚ ቤት ኣቦና ተሲኡ፥ ናብ ክፍሊ ኢዮሃናን ወዲ ኤልያሺብ ከደ፤ ብዛዕባ ምብዳል እቶም ካብ ምርኮ ዝተመለሱ ይሓዝን ስለ ዝነበረ፥ እንጀራ እንተይበልዐን ማይ እንተይሰተየን ሓደረ። ⁷ሽዑ ኵሎም ካብ ምርኮ ዝተመለሱ ኣብ ኢየሩሳሌም ምእንቲ ኽእከቡ፥ ብይሁዳን ኢየሩሳሌምን ቃል ሰደዱ። ⁸ብውሳነ እቶም ሹማምትን ዓበይትን ድማ፥ እቲ ኣብ ሰለስተ መዓልቲ ዘይመፀ ዅሉ፥ ኵሉ ንብረቱ ተወሪሱ ኻብ ጉባኤ እቶም ካብ ምርኮ ዝተመለሱ ይውፃእ።

⁹ኵሎም ሰብ ይሁዳን ብንያምን ኣብ ሰለስተ መዓልቲ፥ ኣብ መበል ዕስራ መዓልቲ ናይታ ታሽዐይቲ ወርሒ፥ ኣብ ኢየሩሳሌም ተኣከቡ። ኵሉ እቲ ህዝቢ ድማ ብዛዕባ እዝ ነገር እዙይን ብዛዕባ እቲ ኸቢድ ዝናምን እናንቀጥቀጠ፥ ኣብቲ ኣብ ቅድሚ ቤት ኣቦና ዘሎ ኣደባባይ ተቐመጠ።

¹⁰ዔዝራ ካህን ተሲኡ ድማ ከምዙይ በሎም፦ “ንስኻትኩም ጓኖት ኣንስቲ ኣእቲኹም፥ ንበደል እስራኤል ወሲኽኹም በዲልኩም ኢኹም። ¹¹ሕዚ ድማ ንኣቦና፥ ነቲ ኣምላኽ ኣቦታትኩም፥ ተናዘዙ፤ ፍቓዱውን ግበሩ። ካብ ህዝቢ እታ ምድርን ካብ እተን ጓኖት ኣንስትን ድማ ተፈለዩ” በሎም።

¹²ሽዑ ብዘሎ እቲ ጉባኤ ዓው ኢሉ ኸምዙይ ኢሉ መለሰ፦ “እወ! ከምቲ ዝበልካዮ ኽንገብር ይግባእ እዩ። ¹³ግና እቲ ህዝቢ ብዙሕ እዩ፤ ወቕቲ ዝናም ድማ እዩ እሞ፥ ኣብ ወፃኢ ደው ክንብል ኣይንኽእልን ኢና። ኣብዝ ነገር እዙይ የመና በዲልና ኢና እሞ፥ እዙይ ናይ ሓደ ወይ ክልተ መዓልቲ ስራሕ ኣይኮነን። ¹⁴ሹማምትና ነቲ ብዘሎ ጉባኤ ይሥርሑ። ብዛዕባ እዝ ነገር እዙይ፥ ነዳዲ ቝጥዓ ኣቦና ካባና ክሳዕ ዝምለስ፥ ኵሎም እቶም ኣብ ከተማታትና ጓኖት ኣንስቲ ዘእተዉ፥ ምስ ዓበይትን ፈራዶን ነፍሲ ወከፍ ከተማ፥ ኣብ ውሱን ጊዜ ይምፅኡ” በሉ።

¹⁵ዮናታን ወዲ ኣሳሄልን ያሕዝያ ወዲ ቲቅዋን ጥራሕ ነዙይ ተቓወምዎ፤ መሱላምን ሻበታይ እቲ ሌዋዊን ድማ ደገፍዎም።

¹⁶እቶም ካብ ምርኮ ዝተመለሱ ኸዓ ኸምኡ ገበሩ። ዔዝራ ካህን ድማ ሰባት፥ ርእስታት ቤት ኣቦታት፥ ነፍሲ ወከፍ በቲ ስሙ፥ ንቤት ኣቦኡ ሓረየ። ኣብ ቀዳመይቲ መዓልቲ ናይታ ዓስረይቲ ወርሒ ኸዓ ነቲ ነገር ክምርምሩ ተቐመጡ፥ ¹⁷ኣብ ቀዳመይቲ መዓልቲ ናይታ ቐዳመይቲ ወርሒ ድማ፥ ምስ ኵሎም እቶም ጓኖት ኣንስቲ ዘእተዉ ሰባት ወድኡ።

እቶም ዝበደሉ

¹⁸ካብ ደቂ ካህናት ጓኖት ኣንስቲ ኣእቲዮም ዝተረኽቡ ድማ እዚኣቶም እዮም፦ ካብ ደቂ ኢየሱስ ወዲ ኢዮሳዳቅን ኣሕዋቱን፥ ማዕሴያ፥ ኤሊዔዘር፥ ያሪብ፥ ገዳልያ።

¹⁹ኣንስቶም ክሰዱ ድማ ተማባፅዑ፤ በዲሎም ስለ ዝነበሩ ኸዓ፥ ብዛዕባ በደሎም ካብ መጓሰ ማጕላ ሰውኡ።

²⁰ካብ ደቂ ኢሜር፦ ኣናኒን ዘብድያን።

²¹ካብ ደቂ ሓሪም፦ ማዕሴያ፥ ኤልያስ፥ ሳማያ፥ የሒኤል፥ ዖዝያን።

²²ካብ ደቂ ጳስሑር፦ ኤልዮዔናይ፥ ማዕሴያ፥ እስማኤል፥ ናትናኤል፥ ኢዮዛባድ፥ ኤልዓሳ።

²³ካብ ሌዋውያን፦ ኢዮዛባድ፥ ሺምዒ፥ ቀላያ (ንሱ ኸዓ ቀሊጣ እዩ)፥ ጴጣሕያ፥ ይሁዳ፥ ኤሊዔዘር።

²⁴ካብ መዘምራን፦ ኤልያሺብ። ካብ ሓለውቲ ደገ፦ ሻሉም፥ ጤለም፥ ኡሪ።

²⁵ካብ እስራኤል ድማ፦ ካብ ደቂ ጳርዖሽ፥ ራምያ፥ ይዝያ፥ መልክያ፥ ሚያሚን፥ ኤልዓዛር፥ መልክያ፥ በናያስ።

²⁶ካብ ደቂ ዔላም፦ ማታንያ፥ ዘካርያስ፥ የሒኤል፥ ዓብዲ፥ የሪሞት፥ ኤልያስ።

²⁷ካብ ደቂ ዛቱ፦ ኤልዮዔናይ፥ ኤልያሺብ፥ ማታንያ፥ የሪሞት፥ ዛባድ፥ ዓዚዛ።

²⁸ካብ ደቂ ቤባይ፦ ኢዮሃናን፥ ሓናንያ፥ ዛባይ፥ ዓትላይ።

²⁹ካብ ደቂ ባኒ፦ መሱላም፥ ማሉክ፥ ዓዳያ፥ ያሱብ፥ ሺኣል፥ የሪሞት።

³⁰ካብ ደቂ ጳሓት ሞኣብ፦ ዓድና፥ ከላል፥ በናያስ፥ ማዕሴያ፥ ማታንያ፥ ባስልኤል፥ ቢኑይ፥ ምናሴ።

³¹ካብ ደቂ ሓሪም፦ ኤሊዔዘር፥ ይሺያ፥ መልክያ፥ ሳማያ፥ ሺምዖን፥ ³²ብንያም፥ ማሉክ፥ ሳማርያ።

³³ካብ ደቂ ሓሹም፦ ማታናይ፥ ማታታ፥ ዛባድ፥ ኤሌፋላት፥ የረማይ፥ ምናሴ፥ ሺምዒ።

³⁴ካብ ደቂ ባኒ፦ ማዓዳይ፥ እንበረም፥ ኡኤል፥ ³⁵በናያስ፥ ቤዳያ፥ ከሉሂ፥ ³⁶ዋንያ፥ መሬሞት፥ ኤልያሺብ፥ ³⁷ማታንያ፥ ማታናይ፥ ያዓሱ። ³⁸ካብ ደቂ ቢኑይ፦ ሺምዒ፥ ³⁹ሰለምያ፥ ናታን፥ ዓዳያ፥ ⁴⁰ማክናዴባይ፥ ሻሻይ፥ ሻራይ፥ ⁴¹ዓዛርኤል፥ ሸለምያ፥ ሸማርያ፥ ⁴²ሻሉም፥ ኣማርያ፥ ዮሴፍ።

⁴³ካብ ደቂ ናባው፦ ይዒኤል፥ ማትታንያ፥ ዛባድ፥ ዘቢና፥ ያዳይ፥ ኢዩኤል፥ በናያስ።

⁴⁴ኵሎም እዚኣቶም ጓኖት ኣንስቲ ኣእተዉ፤ ገሊኦም ድማ ውሉድ ዝወለዳሎም ኣንስቲ ነበርኦም።