آتامیزین خالقی اوچون حله اومئد وار
شِکَنیا اوجادان دیئر کی، حله اومئد وار، و جاماعات قیش یاغیشیندا ییغیلیر کی، آتامیز ائله عهد باغلاسینلار و یاد نئکاحلار پوزولسون. عِزرا آداملار تعیئن ادر کی، هر ایشی شهر-شهر آراشدیرسینلار، و خیانت ادنلرئن آدلاری چکئلئر.
10 1عِزرا دوعا ادئب، اعتئراف ادئب، آغلایارکن و آتامیزین اِوئنئن قاباغیندا یره دوشَرکَن، ائسرایئلدن چوخ بؤیوک بئر جاماعات ـ کئشئلر، آروادلار و اوشاقلار ـ اونون یانینا ییغیلدی و خالق آجی-آجی آغلادی. 2او واخت عِیلام نسلئندن یِخئئل اوغلو شِکَنیا عِزرایا ددی: «بئز آتامیزا خیانت ادئب، تورپاق خالقلاریندان یاد آروادلار آلمیشیق. آمّا بونا باخمایاراق، حله ائسرایئل اوچون اومئد وار. 3ائندی گلئن آتامیز ائله عهد باغلایاق کی، آغامین و آتامیزین امرئندن قورخانلارین مصلحتئنه گؤره بوتون بو آروادلاری و اونلارین اوشاقلارینی اؤزوموزدن اوزاقلاشدیراق؛ قوی بو، شرئعته گؤره ائجرا اولونسون. 4قالخ، چونکی بو ائش سنئن اوستونده‌دئر و بئز سنئنله‌یئک. مؤحکم اول و عمل ات.»
5او واخت عِزرا قالخیب، باش کاهئنلره، لاوئلی‌لره و بوتون ائسرایئله آند ائچدئردی کی، راضیلاشدیقلاری کئمی اتسئنلر. اونلار دا آند ائچدئلر.
6سونرا عِزرا آتامیزین اِوئنئن قاباغیندان قالخیب، اِلیاشئب اوغلو یِهوخانانین اوتاغینا گتدی. او، نه چؤرک یدی، نه سو ائچدی و گجه‌نی اورادا کچئردی، چونکی سورگون‌دن قاییدانلارین خیانتئنه گؤره یاس توتوردو. 7سونرا یهودا و اورشلئمده خبر یایدیلار کی، سورگون‌دن قاییدانلارین هامیسی اورشلئمده ییغیلسین. 8باشچیلارین و آغساقّاللارین قرارینا گؤره، هر کئم اوچ گون ائچئنده گلمه‌سه، بوتون مالی اَلئندن آلیناجاق و او، سورگون‌دن قاییدانلارین جاماعاتیندان آییرئلاجاق ائدی.
9بوتون یهودا و بِنیامئن کئشئلری اوچ گون ائچئنده، دوقّوزونجو آیین ائیئرمئنجی گونونده اورشلئمده ییغیلدیلار. بوتون خالق آتامیزین اِوئنئن قاباغینداکی میداندا اوتوردو و هم بو ائشه، هم ده گوجلو یاغیشلارا گؤره تئتره‌یئردئلر.
10کاهئن عِزرا قالخیب اونلارا ددی: «سئز خیانت ادئب، یاد آروادلار آلیبسینیز و ائسرایئلئن تقصئرئنی آرتیریبسینیز. 11ائندی آتامیزا، آتالارینیزین تاریسینا اعتئراف ادئن و اونون ائراده‌سئنی یرئنه یتئرئن. تورپاق خالقلاریندان و یاد آروادلاردان آیریلین.»
12او واخت بوتون جاماعات اوجا سَسله جاواب وردی: «بلی! بئز سنئن ددئیئن کئمی اتمه‌لی‌یئک. 13آمّا خالق چوخدور و یاغیش مؤوسومودور، اونا گؤره اشئکده دورا بئلمه‌رئک. بو، بئر و یا ائکی گونون ائشی دیئل، چونکی بئز بو ائشده چوخ گوناه اتمئشئک. 14قوی بوتون جاماعات اوچون باشچیلاریمیز عمل اتسئن. قوی شهرلرئمئزده یاد آروادلار آلانلارین هامیسی تعیئن اولونان واختلاردا، هر شهرئن آغساقّاللاری و داورلاری ائله بئرلئکده گلسئنلر، نه واختا قدر کی بو ائشه گؤره آتامیزین آلوولانان قضبی بئزدن دؤنسون.»
15آنجاق عَساهِل اوغلو یوناتان و تئقوا اوغلو یَخزِیا بونا ضئدّ دوردولار؛ مِشولّام و لاوئلی شَبّه‌تای اونلارا کؤمک اتدئلر.
16بله‌جه سورگون‌دن قاییدانلار بله اتدئلر. کاهئن عِزرا، آتا نسئل‌لرئنئن باشچیلاری اولان آداملاری، هر آتا نسلی اوچون آدلاری ائله سچدی. اونونجو آیین بئرئنجی گونونده بو ائشی ائمتاحان اتمک اوچون اوتوردولار، 17بئرئنجی آیین بئرئنجی گونونه قدر یاد آروادلار آلان بوتون کئشئلرئن ائشئنی تاماملادیلار.
خیانت اتمئش اولانلار
18یاد آروادلار آلدیقلاری تاپیلان کاهئن اوغوللاری آراسیندا: یوصاداق اوغلو یِشوعانین و اونون قارداشلارینین اوغوللاری ـ مَعَسِیا، اِلئعِزِر، یارئب و گِدَلیا.
19اونلار سؤز وردئلر کی، آروادلارینی اوزاقلاشدیرسینلار؛ تقصئرکار اولدوقلاری اوچون تقصئرلرئنه گؤره سورودن بئر قوچ تقدئم اتدئلر.
20ائمِّر اوغوللاریندان: خَنّانی و زِبَدیا.
21خارئم اوغوللاریندان: مَعَسِیا، ائلیا، شِمَعیا، یِخئئل و عوزّئیا.
22پَشخور اوغوللاریندان: اِلیوعِینای، مَعَسِیا، ائسماعئل، نِته‌نِل، یوزاباد و اِلعاسا.
23لاوئلی‌لردن: یوزاباد، شئمعی، قِلایا (یعنی قِلئتا)، پِتَخیا، یهودا و اِلئعِزِر.
24موسئقئچئلردن: اِلیاشئب. دروازه‌بانلاردان: شالّوم، طِلِم و اوری.
25ائسرایئلدن ده: پَروش اوغوللاریندان ـ رَمیا، یئزّئیا، مَلکئیا، مئیامئن، اِلعازار، مَلکئیا و بِنایا.
26عِیلام اوغوللاریندان: مَتَنیا، زکریا، یِخئئل، عَبدی، یِرِموت و ائلیا.
27زَتّو اوغوللاریندان: اِلیوعِینای، اِلیاشئب، مَتَنیا، یِرِموت، زاباد و عَزیزا.
28بِبای اوغوللاریندان: یِهوخانان، خَنَنیا، زَبّای و عَتلای.
29بانی اوغوللاریندان: مِشولّام، مَلّوک، عَدایا، یاشوب، شِآل و یِرِموت.
30پَخَت‌موآب اوغوللاریندان: عَدنا، کِلال، بِنایا، مَعَسِیا، مَتَنیا، بِصه‌لِل، بئنّوی و مِنَسّه.
31خارئم اوغوللاریندان: اِلئعِزِر، یئشّئیا، مَلکئیا، شِمَعیا، شئمعون، 32بِنیامئن، مَلّوک و شِمَریا.
33خاشوم اوغوللاریندان: مَتِنای، مَتّاتا، زاباد، اِلئفِلِط، یِرِمای، مِنَسّه و شئمعی.
34بانی اوغوللاریندان: مَعَدای، اَمرام، اوئِل، 35بِنایا، بِدِیا، کِلوهی، 36وَنیا، مِرِموت، اِلیاشئب، 37مَتَنیا، مَتِنای و یَعَسو. 38بئنّوی اوغوللاریندان: شئمعی، 39شِلِمیا، ناتان، عَدایا، 40مَکنَدِبای، شاشای، شارای، 41عَزَرئل، شِلِمیا، شِمَریا، 42شالّوم، اَمَریا و یوسئف.
43نِبو اوغوللاریندان: یِعی‌اِل، مَتّئتیا، زاباد، زِبینا، یَدّای، یوئل و بِنایا.
44بونلارین هامیسی یاداِللی آروادلار آلمیشدیلار و اونلارین بعضئسئنئن آروادلاریندان اوشاقلاری وار ائدی.
