Otyenji Kwandanyo
Ng'olutyet ne po kotyen ak kogutuny, ne weeksei miising' koek kateunet. Amu ki yaech Kwandanyo ak acheek ko keechiirekyik, mi boroindo kutit ne po rani: Amouuiit mugulelwekwok ko uu eng' Meribah, ole ki iisto ibinda komugul kamuunet ne ki kong'anyei icheek.
Ng'alaali Kwandanyo eng' mustarisyek 9–11
95 1Obwa, ketyenji Kwandanyo eng' poiboiyet; kewaachini rwandetap yetunennyo eng' kutit ne oo. 2Kenyoon eng' tainnyi ak kongoi; kewaachini eng' poiboiyet ak tyenwogigap kalasunet. 3Amu Kwandanyo ko laitoryat ne oo ne siir kamuktaik tugul. 4Mi eng' eunnyi rirosyegap ng'wony, ak paragutap tuloonook ko po ineendet. 5Nyanjet ko nenyi, amu ki yai ineendet, ak ki yai eunekyik emet ne yaamaat.
6Obwa, kelas ak keng'uruuk; kegutuny eng' taitap Kwandanyo, ineendet ne ki yaech. 7Amu ineendet Kwandanyo, ak acheek ko piik che po kayagennyi, keechiirek che mi eng' eunnyi. Rani, ngo ogas kutinnyi, 8Amouuiit mugulelwekwok ko uu ye ki oyai eng' Meribah, ko uu peetuut ne po Massah eng' surkwen, a a v8 Meribah ak Massah: olosyek che mi surkwen ne po Sinai ole ki soom piigap Israel peek ak ki otyem Kamuktaindet (Exodus 17:1–7).
9ole ki tyema kwanisyekwok; ki ityema anee, agot ki kageer poisyondanyu. 10Amu ki ariir let kenyiisyek artam agobo ibinooto, ak ka ale, “Ko piik che betote mugulelwekwak, ak ma konai ortinwekyuk.” 11Ki ayasyo anyun eng' angeennyu, “Koma koi koitei kamuunganyu.” b b v11 Bukuitap Hebrew ko name mang'unetoni, ak koboor kole kamuung'et ne koonech Kwandanyo ko kinyoorunei komugul eng' Jeso — kamuung'et ne istoei baornatet, ne kitei eng' iyanet ago ma koi eng' mugulelwek che uuen.