Mi eng' bukuit

Ne Kibwate Ng'atuutik 23 FHB Father's Heart Bible™

Kiistoi 15% eng' kiy ne iale korook →
Bukuit

Ng'oo ne Imuuchi Kochuut Tuiyetap Kwandanyo

Ng'atuutik agobo ng'oo ne muuchi kochuut tuiyetap Kwandanyo, ak kabwaatet ne po chubootap Balaam ne ki kiwalak koek beruuret amu kachamin Kwandang'ung'. Keriibei nganaseet kotiliil amu panda ineendet kwenutap. Otwogindet ne ki choorugei mat kiweekyi kiptaiyannyi. Mat inyoor melekto eng' tupcheng'ung'; ak ng'olyoonik che kayan kanyool kego.

Sura 23.

Mat kochuut tuiyetap Kwandanyo chii age tugul ne ki kibir kitik anan ne ki kitil koborutyennyi. Mat kochuut tuiyetap Kwandanyo chii age tugul ne ki kisich eng' kaatunyet ne ma imanat; ak mat kochuut tuiyetap Kwandanyo ibinekyik, agoi ibinda ne po taman. Mat kochuut tuiyetap Kwandanyo Amonindet anan Moabindet; agoi ibinda ne po taman mat kochuut tuiyetap Kwandanyo chii age tugul ne po icheek, agoi koigeny. Amu ma kingobwanjin rubeet ak peek eng' ooreet ye kingo opun Misiri, ak ki kikweri Balaam weeriitap Beor ne ki punu Petor ne po Mesopotamia, si koyaun chuboot. Ago ki ma cham Kwandang'ung' kogas Balaam, ak kowal chuboot koek beruuret ne neng'ung', amu ki kochamin Kwandang'ung'. Mat icheeng' kaalyeetekwak anan perurtekwak eng' peetuusyeguk tugul, agoi koigeny. Amesas Edomindet; amu ko tupcheng'ung'. Amesas Misirindet; amu ki imeny toondet eng' emennyi. Imuuchi lagok che ki kisich eng' ibinda ne po somok kochuut tuiyetap Kwandanyo.

Tiliilindo eng' Lugeet

Ye iwo lugeet si iobargei ak puuniguk, iriipkei eng' kiy age tugul ne ya. Ngo mi chii age tugul kobooten ne murwoniitu amu emisyet ne po kemeut, kanyool kong'eet koba oldo ne po lugeet, ak mat koweek kochuut. Ye kochut koimen, kouungei eng' peek; ye kagororokto asiista, koweek lugeet. Itinye olooto ne po oldo ne po lugeet, ole iwendi si itoretkei. Iriip kiy ne ibalen among kariguk. Ye itebi oldo, ibal keriinget ak itube kiy ne kipunin. Pendi Kwandang'ung' kwenutap lugeennyu, si kosarin ak konde eung'ung' puuniguk; nooto amu kanyool kotiliilit lugeennyu, si mat kogeer kiy age tugul ne inde kobooten ak koweeksei eng' inyee.

Ng'atuutik che po Menyet Togeet

Mat inde eutap kiptaiyandennyi otwogindet ne kiga kochilil kobunu kiptaiyandennyi. Komeny kobooten, eng' kwenunnyu, eng' nganaseet age tugul ne leweni eng' nganasook che neng'ung', ole tuun myee eng' ineendet. Amous ineendet.

Mat koek cheptap Israel age tugul chepkugoniot ne po koroito, ak mat koek weeriitap Israel age tugul mureno ne po koroito. a a v17 “Chepkugoniotap koroito” ko ki konamgei ak koroosyetap tuguuk che puch, ma kugonet ne iten; poisyonooto ki kiyoome kaatunyet ak koroosyetap tuguuk che puch, ak kotengei Kwandanyo nooto among lagokyik. Mat iib melektap chepkugoniot anan melektap seset koot po Kwandang'ung' agobo kayomiset age tugul—amu che oeng' ko tuguuk che kiwechei eng' Kwandang'ung'. b b v18 “Seset” yu ko kainet ne po murenyot ne po koroito; meleketanyi, ko uu meleketap chepkugoniot, ma kiyomegei koek koroset.

Amimage tupcheng'ung' kelunet—eng' robiinik, anan amitwogik, anan kiy age tugul ne kipeseni. Image punootyot kelunet, ago mat image tupcheng'ung', si koberuurin Kwandang'ung' eng' tuguuk tugul che iname eung'ung', eng' emet ne iwendi ichuut si itaach.

Ye iyom kayomiset agobo Kwandang'ung', mat iagei igoite, amu iman imany Kwandang'ung' eng' inyee, ak koek tengekto eng' inyee. Ago ngo ma iyom kayomiset, mo inam tengekto. Iriip ak iyai kiy ne iyom agobo Kwandang'ung'; ki imwa eng' mageng'ung', eng' kuting'ung'. Ye ichuut mbareetap sabibuk ne po chiitap kokweng'ung', imuuchi iam sabibuk kot ibiye, ko uu ye imageno, ago mat inde eng' kiboiyennyu. Ye ichuut peek che tonone che po chiitap kokweng'ung', imuuchi iturchi metoweegap peek eng' eung'ung', ago mat iboisyee rotwetap keset eng' peegap chiitap kokweng'ung'.