Kanyoonei Weeriitap Yaityet
Kogas Thessalonikek, tun kobun parweet ne kigutunjini, kole kagonyo peetuutap Kiptaiyat. Kole Paulo achicha: ipu tai ngelelnateet, ak chiito ne pistoe ng'atuutik ne tebee eng' Hekaluutap Kwanda koamdooti ineegei kole ko Kamuktaindet. Eng' sait nooto, otonon komyee ak oriip ne ki keneetok.
2 1Tupchosyek, kesaain okweek agobo nyoetap Kiptaiyannyo Jeso Kristo ak keyumetapkeennyo kobooten, 2matoaragen chokyi eng' muguleldang'wong' anan ooiyweis—eng' kabuuset, anan logoiywek, anan parweet ne mwaei kole punu acheek—kole kagonyo kaataam peetuutap Kiptaiyannyo. 3Matgoberberin chii eng' ortinwek tugul; amu ma nyo peetuunooto, ngo ma nyo ngelelnateet eng' tai ak kobarta chiito ne pistoe ng'atuutik—ne kagile meet— 4ne ng'eetyini ak kotegei ineegei konaak age tugul ne kigole kamuktaindet anan kiy ne kigutunjini, si kotebee eng' Hekaluutap Kwandanyo, koamdooti ineegei kole ko Kamuktaindet. a a v4 Yu ko kakiwe ng'olyoot 'Kamuktaindet' kobwan, amu ko leenetap lembech ne tunchini ineegei chiito ne pistoe ng'atuutik — ko berberisetap Kwanda ne ng'eetyini ineendet. 5Tos moibwaat ale kota ami kobootok ko kamwaiwok tuguuchu? 6Nguno anyun, ongen kiy ne ting'e ineendet rani, si kobarta eng' sait nenyi. 7Amu kayai poisyo kiit ne kiunat nebo pistoetap ng'atuutik kaataam; ago chiito ne ting'e rani kotestai agoi kenam eng' ooreet. 8Yeityo kobarta chiito ne pistoe ng'atuutik, ne iluuli Kiptaiyat Jeso eng' kabuusetap kutinnyi, ak kong'emi eng' liilindap nyonetonyi. 9Nyo chiito ne pistoe ng'atuutik eng' poisyetap Setani, kotinyei kimnateet tugul, ak kaboorunoik che lembech ak kwang'utik, 10ak eng' berberiset age tugul ne ya nebo icheek che lusyo, amu ki nereech kochamei imanit si kobiit kisaru. 11Eng' nooto anyun, iyookyin Kwandanyo icheek berberiset ne kiim, si koyan kiy ne lembech, 12si kirwookyin tugul che ma iyan imanit, ago che paibai eng' tengekto.
Otonondos eng' Kuuretap Kwanda
13Nyolu kemwachi Kwandanyo kongoi kotugul agobo okweek, tupchosyek che chamei Kiptaiyat, amu ki olewen Kwandanyo okweek koek tongoanik nebo yetunet, eng' tililisyetap Kabuuset ne Tiliil ak eng' iyanetap imanit. 14Ki guurok eng' niito eng' logoiywekyok che myach, si onyooru toroornatetap Kiptaiyannyo Jeso Kristo. 15Nooto anyun, tupchosyek, otonondosi ak otinye kaneetisyosyek che kineetok, ngo eng' ng'olyoot ne kimwa anan ko eng' parweet.
16Ingotoreti Kiptaiyannyo Jeso Kristo ineendet, ak Kwandanyo, ne kichamech ak kigoonech kagaigaetap koigeny ak kamang'unet ne karaaran eng' myeeindo, 17ingoigei mugulelwekwok ak kogimit eng' poisyo ak ng'olyoot age tugul ne karaaran.