Vinash Laga Putro Ahhi Ase
Thessalonica laga manuh khan hunise, hoitu ekta nokli chithi pora, Prabhu laga din to aha jaise. Paul koise nai: poila bidroh ahibo, aru ekjon niyom nathaka manuh ahibo jun amar Pitri laga mondir te bohi kene nijor ke Isor koi thakibo. Etiya tak, thik pora khara thakibi aru tumikhan ke sikhai diya kotha dhori thakibi.
2 1Bhai khan, amar Prabhu Jisu Khrista laga aha aru amikhan Tar logot te joma huwa laga bisoy te, ami tumikhan ke binti kori ase, 2amar Prabhu laga din ahhi jaise koi kene, kunba atma pora, nahole kunba kotha pora, nahole amikhan pora aha koa ekta chithi pora, tumikhan laga mon joldi hili najabi aru bhoi nakoribi. 3Kun bhi tumikhan ke eku rokom pora thogabole nadibi; kilemane poila te bidroho na aha tak aru niyom nathaka manuh—jun ke vinash nimite thik kori rakhise—najanai dia tak, hei din tu nahibo, 4jun pora virodh kore, aru “isor” koi diya nohoile puja kora sob jinis uporte nijor ke untcha kore, eneka pora tai amar Pitri laga mondir te bohi kene, nijor ke Isor ase koi kene janai dei. a a v4 Yate ‘Isor’ kotha tu khali rakhise, kilemane eitu niyom nathaka manuh laga misa aru nijor ke untcha kora laga daboi ase—jun Pitri laga birodh te tai nijor ke khara kore, Tar laga ekta nokol ase. 5Moi tumikhan logot te thaka homoi te, eitu kotha khan Moi tumikhan ke koisile, eitu tumikhan monte rakha nai naki? 6Aru etiya, tai nijor homoi te prokash hobole nimite, tai ke etiya ki pora rukhai ase, eitu tumikhan jani ase. 7Kilemane niyom nathaka laga lukai thaka kaam tu etiya bhi cholai ase; khali etiya rukhai thaka jon ke rasta pora hatai nadia tak, tai thaki thakibo. 8Tetiya hei niyom nathaka manuh prokash hobo, jun ke Prabhu Jisu pora Tar mukh laga saas pora khotom koribo aru Tar aha laga ujala pora nosto kori dibo. 9Hei niyom nathaka manuh tu Saitan laga kaam pora ahibo, sob takot, misa chihna aru asurit kaam khan logot te, 10aru nosto hoi thaka khan nimite sob dusto thogai laga kaam logot te; kilemane tarkhan hosa ke morom kori kene bachi bo pabole mon kora nai. 11Eitu nimite amar Pitri pora tarkhan ke ekta dangor thogai laga kaam pathai dei, eneka pora tarkhan misa kotha ke biswas kore, 12eneka pora kun khan hosa ke biswas kora nai kintu dusto kaam te khushi paise, tarkhan sob ke bisar kori kene saja dibo.
Pitri Laga Mati Luwa Te Mojbut Thakibi
13Prabhu pora morom kora bhai khan, tumikhan nimite amikhan hodai amar Pitri ke dhanyabad dibo lage, kilemane Pobitro Atma laga pobitro kora kaam aru hosa te biswas kora pora, amar Pitri pora tumikhan ke poritran nimite prothom phol hoi kene basi loise. 14Amar susamachar pora Tai tumikhan ke eitu nimite matise, eneka pora tumikhan amar Prabhu Jisu Khrista laga mahima pabo. 15Etiya, bhai khan, mojbut hoi kene khara thakibi aru amikhan tumikhan ke sikhai diya niyom khan, amikhan laga kotha pora hoilebi nohoile chithi pora hoilebi, dhori rakhibi.
16Amar Prabhu Jisu Khrista nijor, aru amar Pitri, jun pora amikhan ke morom korise aru anugrah pora amikhan ke ananta aram aru bhal asha dise, 17tumikhan laga mon ke aram dibi aru sob bhal kaam aru kotha te taikhan ke mojbut kori dibi.