The Pikin of Destruction Dey Come
Di Thessalonians don hear, maybe from one fake letter, say di day of di Lord don already come. Paul say no: di rebellion go come first, and di lawless one wey go sidon for we Papa temple dey call imself God. For now, stand strong and hold wetin dem teach una.
2 1Brothers, we dey beg una about di coming of our Oga Jesus Christ and how we go gather togeda go meet am, 2make una no quick shake for una mind or make fear catch una—by spirit, by message, or by letter wey dem talk say na from us—wey dey talk say di day of our Oga don already come. 3Make nobody deceive una for any way; dat day no go come unless di rebellion come first and di man of lawlessness—wey dem don mark for destruction—show, 4wey dey stand against, and dey lift imsef ova every so-called god or thing wey dem dey worship, so he go sidon for our Papa im temple, dey call imsef God. a a v4 For here, 'God' remain plain because na di lawless one im false claim wey he dey use lift imsef — na fake copy of di Papa wey he dey stand against. 5Una no remember say when I still dey with una I bin tell una all dis things? 6Now una know wetin dey hold am back now, so dat he go fit show for im own time. 7Because di mystery of lawlessness don already dey work; na only di one wey dey hold am back now go continue until dem remove am comot for road. 8Den di lawless one go show, wey Oga Jesus go finish with di breath of im mouth and go destroy am with di brightness of im coming. 9Di lawless one dey come by Satan im work, with all kind power, fake signs, and wonda-wonda, 10and with every wicked deception for dem wey dey perish, because dem refuse to love di truth wey for save dem. 11Because of dis our Papa go send dem powerful delusion, so dat dem go believe wetin be lie, 12so dat all dem wey no believe di truth but bin dey enjoy wickedness go get condemnation.
Stand Gidigba for Di Papa Im Calling
13We suppose dey always thank our Papa for una, brothers wey di Oga love, because our Papa choose una as firstfruits for salvation through di Holy Spirit im work wey dey make person holy and through believe for di truth. 14He call una come dis one through our gospel, so dat una go get di glory of our Oga Jesus Christ. 15So den, brothers, stand gidigba and hold di traditions wey we teach una, weda na by our mouth-word or by letter.
16Make our Oga Jesus Christ imsef, and our Papa, wey love us and give us comfort wey no dey end and better hope by grace, 17comfort una heart and make dem strong for every good work and word.
