هغه به خپل خلق نۀ پرېږدى
د هغو خلکو پر وړاندې اعتراض چې کونډې او پردي وژني او ګومان کوي چې هېڅوک یې نه ویني. ځواب عام عقل دی: آیا هغه څوک چې غوږ یې کېښود، نه اوري؟ پای یې شخصي دی — زما پښه ښوییده، او زما د پلار تړونیزې مینې زه ټینګ ونیولم.
94 1اے زمونږ پلاره چې اِنصاف راوړې — اے زمونږ پلاره؛ اے زمونږ پلاره چې اِنصاف راوړې، خپله ځلا ښکاره کړه! 2اے د زمکې قاضى، پاڅېږه؛ مغرورو ته د هغوئ د کړو سزا ورکړه. 3اے زمونږ پلاره، بدکاران به تر کومه وخته — بدکاران به تر کومه وخته فخر کوى؟
4هغوئ مغرورانه خبرې کوى؛ ټول بدکاران لافې وهى. 5اے زمونږ پلاره، هغوئ ستا قوم ماتوى، او ستا په مِيراث باندې ظلم کوى. 6هغوئ کونډه او پردے وژنى، او يتيمان قتلوى. 7هغوئ وائى چې، ”مالِک خُدائ نۀ وينى؛ د يعقوب خُدائ پاک پرې نۀ پوهيږى.“
8اے په خلقو کښې بېعقلو، غور وکړئ؛ اے احمقانو، کله به عقلمند شئ؟ 9چا چې غوږ پېدا کړو، هغه به وا نۀ ورى؟ چا چې سترګه جوړه کړه، هغه به ونۀ وينى؟ 10چا چې قومونو ته تربيه ورکوى، آيا هغه به سزا ور نۀ کړى — هغه چې انسان ته علم ورکوى؟ 11زمونږ پلار د انسان خيالونه پېژنى، چې هغه يوازې يو دم دى.
12اے زمونږ پلاره، مبارک دے هغه څوک چې تۀ يې تربيه کوې، او د خپل شريعت نه ورته تعليم ورکوې، 13چې د تکليف په ورځو کښې ورته آرام ورکوې، ترڅو چې د بدکارانو دپاره کنده وکيندلے شى. 14ځکه چې زمونږ پلار به خپل قوم نۀ پرېږدى؛ هغه به خپل مِيراث ونۀ پرېږدى. 15ځکه چې اِنصاف به صادقانو ته بيا راوګرځى، او ټول هغه چې په زړۀ کښې نېک وى، د هغۀ پيروى به وکړى.
16زما دپاره به د بدکارانو خلاف څوک پاڅيږى؟ زما دپاره به د بدو کارو کوونکو خلاف څوک ودريږى؟ 17کۀ زمونږ پلار زما مددګار نۀ وې، نو زما روح به ژر د مرګ په چوپتيا کښې استوګن شوے وو. 18کله چې ما ووئيل چې، ”زما قدم ښوئيږى،“ اے زمونږ پلاره، ستا مينې زۀ ونيولم. 19کله چې زما په زړۀ کښې ډېر فکرونه وُو، ستا تسلۍ زما روح ته خوشحالى راوړله.
20آيا خراب تخت ستا سره ملګرتيا کولے شى — هغه چې بېانصافى په قانون کښې ليکى؟ 21هغوئ د صادق د ژوند خلاف يو ځائ کيږى او بېګناه ته د مرګ سزا ورکوى. 22خو زمونږ پلار زما قلعه شوے دے، او زمونږ پلار زما د پناه کاڼے دے. 23هغه به د هغوئ خپله ګناه هغوئ ته بيا راوګرځوى او د هغوئ د بدۍ په سبب به هغوئ تباه کړى؛ زمونږ پلار به هغوئ تباه کړى.
