Zapozale neshupü sileo
Tsale kemeleoce. David chele. Tsale.
Zapozale sileolü thayi de pethi tsalefülü thela. Ha Po kephoma whu sü mu cejü kedayi lüno prayi reni, süsa tütse pütho keveo la pira süto: nhatsa pethiko dzü chuyi, cejüthuko nü kezhü, mu pethiko mu cejü ketheyoko hahuyi tsale thiyo.
65 1Apo, zionlü sileolü zapozale no ce bate; mu ha küzüko no ce thitso süto.
2Noe prayi reni, mu thüma metü no ce vorito. 3Kephomako i yo tsüntsova lize, noe ha kejokemuko whuyi süte. a a v3 Hilü ha Poe ha kephoma jova keveo, Jisulü metüyi thita; Pue ha kejokemuko Puno tho rhasü, side ha kelü zü vo süyi ketola. 4No kedayi süpü thümao pü nüzo, no ce mhayi die no kereshücelü hü süpü. Ha no kelü kevelü chuyi süto, no kereshü kemesalü sheri megu süto.
5Noe ha ce kematho ungo mhathoko thi po kelasü süto, ha kelakeyipü ha Po, cejü vala ketso metü mu jükezho rapeco valako kemeri, 6Pue pü kemütülü cejütuko zhü süpü, keku bepü; 7Pue jükezho füo, u tükhrako füo, mu shuyeko kebao kemekre thipü. 8Cejü valakolü kebamiko no zasiko ngode meprüti; noe keshu mu kemünoo nüswüdie seyi süto.
9Noe cejüo mhade dzü pü, süo keve basü shuyi die; ha Po rive dzülü neshu zo; noe thümako u puseko süto; kekrelamori sübi no cejüo dojü süteho. 10Noe pü vayoko dzü die bude, pü kedako kezi thito; noe mudzüla süo nemo thide, pü keheo yo jo tsüto. 11Noe tütse no keveo la pira süde, no shopriko ngo shuyi la chuyi süto. 12Nhatsa pethiko dzü la chuyi süto, mu cejüthuko nü la kezhü süto. 13Pethiko teko la be süto, mu cejü ketheyoko puseko la hahuyi süto; uko nüswüdie seyi die, metü tsale thito.
