Zaburi 65

65 ¹ Sifa yakungoja katika ukimya, Baba yetu, huko Sayuni; nawe utatimiziwa nadhiri zetu.

² Wewe wasikia maombi, na watu wote watakuja kwako. ³ Dhambi zilip_nizidi nguvu, wewe uliyafunika makosa yetu. ^a a v3 Msamaha ambao Baba yetu autoao hapa hukamilika katika Yesu, aliyejitwika makosa yetu ili tuweze kurudishwa nyumbani. ⁴ Heri mtu yule umchaguaye na kumkaribisha akae nyua zako. Tutashiba wema wa nyumba yako, utakatifu wa hekalu lako.

⁵ Watujibu kwa matendo ya kutisha ya haki, Baba yetu utuokoaye, tumaini la miisho yote ya dunia na la bahari zilizo mbali kabisa. ⁶ aliyeziimarisha milima kwa nguvu zake, akivikwa uweza; ⁷ atulizaye ngurumo za bahari, ngurumo za mawimbi yake, na ghasia za mataifa. ⁸ Wakaao miisho ya dunia huzishangaa ishara zako za ajabu; wafanya mapambazuko na machweo kupaza sauti kwa furaha.

⁹ Waitunza nchi na kuinywesha ; waitajirisha kwa wingi. Mto wa Baba yetu umejaa maji; wawapa watu nafaka yao, kwa maana ndivyo ulivyoiandaa nchi. ¹⁰ Waikinaisha mifereji yake na kuisawazisha migongo yake; waililainisha kwa manyunyu na kuibariki mimea yake. ¹¹ Waivika mwaka taji la wema wako, na njia zako hufurika neema tele. ¹² Malisho ya jangwani hufurika, na vilima vimevikwa furaha. ¹³ Mabustani yamevikwa makundi ya wanyama na mabonde yamefunikwa nafaka; hupaza sauti kwa furaha na kuimba pamoja.