Kachangkhat Darkarwui Khangakao
Laa homabingwui akhavāwui vang. Davidwui. Phaningung khavai.
Kathāna manga ngasāda thākkhangaiwui laa, Laa 40wui naolak kathā thāda. Tuingahāk maleimana, kachotwui kong mahāngmana — 'thāklu' kaji tui chi mang, awui Avāli kathumshida hānga, akhalatta khavāta kala kachāma da kahāngpa.
70 1O Ishavā, thākta ili kanshokmilu! O Ishavā, ili thākta khangachonmilu! 2Ili shaothat khavai phabing chi khayak ngasakta maishi ngasakranu; ili saza̱ khavai ringphābing chi latung ngasakta pa̱ngapāra ngasakranu. 3Ili, "Ahay! Ahay!" kajibing chi athumwui khayakwui vang eina ngareithuihaoranu.
4Kha nali kaphā saibingna peichao nawui alungli ringphāda kala mathānranu; nawui huikhamili leikashibingna atam kachida hithāda hāngchingranu, "Ithumwui Avā hakkhamahāna!" 5Kha iya khavāta kala kachāmana; ili thākta rāmilu, O Ishavā! Na iwui ngachonkhame kala huikhamena; O Ishavā, mahui nganongalu!
