Kateiyetap Machet ne Chokyi
Agobo kiptaiyatap musik. Po Daudi. Ne po kabwaatet.
Tyegutik mut che po chaakeet kityo, che neegit koek ko uu letap tyendo ne po artam. Ma mi ng'alaalda anan iboornatennyi nyalilda — ago kityo ng'olyoondetap chaakte, ne kimwachi Kwandanyi somok eng' chiito ne guure ineegei pooryeet ak ne nyalili.
70 1Chaakte, Kwandanyu, isarwo! Kwandanyu, chaakte itoreta! 2Ingolilanso ak koitoptoben che machei kobar anee; ingoweekyagei kogeny ak koinyeeree che baibaitun agobo yaityennyu. 3Che leen, “Haa! Haa!” ko ingoweekyagei kogeny amu lilandennywa.
4Ago ingobaibait ak kogaaskei eng' inyee tugul che cheeng'in; ingoleen kotugul che chamei yetuneng'ung', “Oo Kwandanyo!” 5Ago anee ko pooryeet ak ne nyalili; chaakte inyoo, Kwandanyu! Inyee ko toretennyu ak sarindennyu; Kwandanyu, metagagei.