भजनसंग्रह 70 FHB Father's Heart Bible™

70 ¹हे मेरा पिता, मलाई छुटाउन हतार गर्नुहोस्! हे मेरा पिता, मलाई सहायता गर्न हतार गर्नुहोस्! ²मेरो ज्यान लिन खोज्नेहरू लज्जित र अपमानित होऊन्; मेरो हानिमा रमाउनेहरू पछि फर्काइऊन् र अपमानित होऊन्। ³“आहा! आहा!” भन्नेहरू आफ्नो लाजको कारण पछि फर्कियून्।

⁴तर तपाईंलाई खोज्ने सबै तपाईंमा आनन्दित र प्रसन्न होऊन्; तपाईंको उद्धारलाई प्रेम गर्नेहरूले सधैँ भनून्, “हाम्रा पिता महान् हुनुहुन्छ!” ⁵तर म दीन र दरिद्र छु; हे मेरा पिता, मकहाँ हतार गर्नुहोस्! तपाईं नै मेरो सहायता र मेरो उद्धारक हुनुहुन्छ; हे मेरा पिता, ढिलो नगर्नुहोस्।