Barapka Bathaang Amnu om Chapnu
Laa tonu kai thangnupa lang. David om. Baningsu lang.
Rangaaknu za bana chong banga, Kalum Laa 40 om bakaan tang bakhwa danga nainu. Kae kanaanu maake, riangrenu kabia le maake — bapum ding raza khatle baatnu diga kounu manpa khat na Bapa khou thum pok ‘barapro’ diga rinnu chong khatcha za ongnuwe.
70 1Apa, ating kan thang lang barapro! Apa, ating paang thang lang barapro! 2Ating athat lang zongnu nun ga pi kazak thangluga pi inkhin ding ngo; ating kasianu chwan bi karonu nun ga kanei swakluga kazak dou ding ngo. 3“Aha! Aha!” diga rinnu nun ga bani kazaknu briakpina kanei han hung ding ngo.
4Atiyeda Nang ding zongnu mi bing ga Nang khou karoga lozaang sa ding ngo; Naom ringriak kriangnu nun ga bakaan bathin, “Ani Pa lian kataknuwe!” diga rin ding ngo. 5Atiyeda ei lungsanu khatle bathaang amnu we; Apa, akhou barapka hungro! Nang ating paang thangnu khatle ating kan thangnu ye; Apa, ngian mako.