Baom Lampui bi Senu
Ka dingnu laa.
Bain om ringriak man suiga ani Pa om rithoi: nakut om chwan to om bakraa ding nang salune, namei ga bakraa kraanu drakha zem danga, nasa rwan ga table ding ong qwatnu talwan kung bakachang danga. Bakhak bi namlian om kasanu khatle batu rwan tangga lat seye, khatle Israel lu chung bi dai bazaangnu am ding ngo diga khut rwe.
128 1Tudannu ani Pa ding takungga, Baom lampui bi se ongnu mi ga aih sanuwe.
2Nakut om chwan to om bakraa ding nangna salune; nang aih sanuwe, khatle nang lang bazaangga onglune. 3Namei ga nain bi bakraa kraanu drakha zem danga onglune; nasa rwan ga na table ding ong qwatnu talwan kung bakachang danga onglune. 4Phaang ngo, ani Pa ding takungnu mi ga heiyana aih sanuwe.
5Ani Pa na Zion bina nang ding rithoi pi thang ding ngo; na ringnu kum om lumik bing suiga nangna Jerusalem om kasanu ding mu ding ngo, 6khatle nasa rwan om basa rwan ding nangna mu ding ngo. Israel lu chung bi dai bazaangnu am ding ngo.