एस्तेर 10

10 ¹ अहश्वेरोश राजाने देशावर व समुद्राच्या किनारपट्टीवर खंडणी बसवली. ² त्याच्या सर्व पराक्रमी कृत्यांचा, आणि राजाने मर्दखयाला जी थोरवी दिली त्या हकीकतीचा वृत्तान्त, माद्य व पारस राजांच्या इतिहासाच्या पुस्तकात लिहिलेला नाही काय? ³ यहूदी मर्दखय अहश्वेरोश राजाच्या खालोखाल दुसऱ्या स्थानी होता, यहूद्यांमध्ये थोर होता, आपल्या असंख्य बांधवांना प्रिय होता; तो आपल्या लोकांचे हित शोधत होता व आपल्या समस्त वंशजांशी शांतीची वाणी बोलत होता.