Ũnene wa Moridekai
Ũhoro wa kũrĩkĩrĩria wa mĩhari ĩtatũ, wandĩkĩtwo ta mabuku ma ũthamaki: mũthamaki arutithia igooti bũrũri-inĩ na ndwere-inĩ cia iria, nake Morodekai, ũrĩa rĩu ũrĩ wa keerĩ thuutha wa gĩtĩ kĩa ũnene, akaririkanwo nĩ ũndũ wa kũhũthĩra hinya ũcio gũcaria wega wa andũ ake na kwaria ũhoro wa thayũ kũrĩ andũ ao.
10 1Naake Mũthamaki Xerxes akĩigĩrĩra igooti bũrũriinĩ o na hũgũrũrũinĩ cia iria. 2Githĩ ciĩko ciake ciothe cia hinya na ũhoti, o na ũhoro wothe wa ũnene ũrĩa mũthamaki aatũũgĩririe Moridekai naguo, ti maandĩke Ibukuinĩ rĩa Maũndũ ma Matukũ ma athamaki a Media na Perisia? 3Moridekai ũcio Mũyahudi aarĩ wa keerĩ thuutha wa Mũthamaki Xerxes, na aarĩ mũnene gatagatĩinĩ ka Ayahudi, akĩendwo nĩ ariũ a ithe aingĩ, agĩcaragia ũndũ mwega wa andũ ake, akĩaria thaayũ kũrĩ njiaro ciake ciothe.