Mordekaieibü Yaangbü
Lüngbüdobü lea hek tegü chenyu semnyet lenbü: Chobaei kaodak hoba yungnyu khatan kibü kaodak thükto khüm sungbakei, hoba Mordekai, tou setshang to thenbou ong kibou, haoeibü yaangbü kho mütshuong maibü lamla hoba haoeneibü thea hakso ngüh lenla shanga kümbü shanga damenbü kikei.
10 1Xerxes Chobaei kaodak thükto hoba yungnyu khatan kibü kaodak thükto khüm sungbakei. 2Tou haoeibü hau hoba seisihau kümsilei pendou, hoba Chobaei Mordekai yaangbü thükto longtikubü ngühli pendou, Media hoba Persiabü Choba shuong Lüngbüdobü lea doan aki lo? 3Jihudabü Mordekai kho Xerxes Choba to thenbou kikei, hoba Jihudabü yoa yaangenbou kikei, hoba haoeibü jaisinasi juong yoa maangshikbü kikei, hoba haoei haoeibü mütshuong shanga maibü lamkei, hoba haoei haoeibü thensilen pendou to hakso ngüh lenkei.
