ዘምሪ፥ ኣቲ ቐደም መኻን ዝነበርኪ

ዘይወለደት ዝተሓደገት ሰበይቲ፥ ክትዝምርን ዓብዪ ድንኳን ክትገዝእን ይብልዋ። ኣቦና ገፁ ኸም ዝሓብአ ኣይኽሕድን፥ ንቕፅበት ጥራሕ ከም ዝነበረ ደኣ፤ እምባታት ይኣልዩ ይኾኑ፥ ፍቕሩ ግና ኣይኣልን። ነኣእማና ብሰንፔር ይሰርሖም፥ ውሉዳ ድማ ብእኡ ይምሃሩ።

ምዕራፍ 54።

ኣቲ ዘይወለድኪ መኻን፥ ዘምሪ፤ ኣቲ ሕርሲ ዘይገበርኪ፥ ብመዝሙር ዓው ኢልኪ ዕልል በሊ! ውሉድ እታ ዝተረፈት ካብ ውሉድ እታ ዝተመርዓወት ክበዝሑ እዮም እሞ፥ ይብል ኣቦና።

ድንኳንኪ ኣስፍሒ፥ መጋረጃታት ማሕደርኪ ድማ ይዘርግሑ፤ ኣይትቑጠቢ። ኣግማድኪ ኣንውሒ፥ ሽኻላትኪውን ኣፅንዒ፥ ናብ የማንን ናብ ፀጋምን ክትዝርግሒ ኢኺ እሞ፤ ውሉድኪ ንኣህዛብ ክወርሱ፥ ነተን ዝባደማ ከተማታት ድማ ሰብ ከም ዝነብረን ክገብሩ እዮም። ኣይክትሓፍርን ኢኺ እሞ ኣይትፍርሒ፤ ኣይክትዋረዲን ኢኺ እሞ ኣይትደንግፂ። ነቲ ሓፍረት ንእስነትኪ ክትርስዒ ኢኺ፤ ውርደት መበለትነትኪውን ድሕሪ ደጊም ኣይክትዝክርዮን ኢኺ። ፈጣሪኺ ሰብኣይኪ እዩ እሞ፤ ኣቦ ሰራዊት ሰማይ ስሙ እዩ፤ ቅዱስ እስራኤል ተበጃዊኺ እዩ፥ ኣቦ ኵላ ምድሪ ድማ ይብሃል። ^a ኣቦና ከም ዝተሓደገትን ልባ ዝተሰብረን ሰበይቲ፥ ከም እታ ምስ ተነፅገት ሰበይቲ ንእስነቱ፥ መሊሱ ፀዊዑኪ ኣሎ እሞ፥ ይብል ኣቦኺ።

ንቑሩብ ጊዜ ሓዲገኪ ነይረ፥ ግና ብዓብዪ ርህራሄ መሊሰ ክእክበኪ እየ። ብውሕጅ ቍጥዓ ንቕፅበት ገፀይ ካባኺ ከወልኩ፥ ግና ብዘለኣለማዊ ፍቕሪ ክርህርሃልኪ እየ፥ ይብል ኣቦና፥ ተበጃዊኺ። እዙይ ንኣይ ከም መዓልቲታት ኖህ እዩ፤ ከምቲ ማይ ኖህ ነዛ ምድሪ ደጊም ከም ዘይውሕጣ ዝመሓልኩ፥ ከምኡ ሕዚ ከይኵረየልኪ ከይገንሕኪ መሓልኩ። እምባታት እኳ እንተ ተኣለዩ፥ ኰረብታታትውን እንተ ተናወፁ፥ ምሕረተይ ግና ካባኺ ኣይፍለን እዩ፤ ኪዳን ሰላመይ ከዓ ኣይናወፅን እዩ፥ ይብል እቲ ዝርህርሃልኪ ኣቦና። “ኣቲ ዝተጨነቕኪ፥ ብህቦብላ ዝተገፋዕኪ፥ ዘይተፀናናዕኪ፥ እንሆ፥ ነኣእማንኪ ብኩሕሊ ክተኽለን እየ፥ መሰረትኪ ድማ ብሰንፔር ከንፅፎ እየ። ^b ንግምብታትኪ ብያቁት ክሰርሖም እየ፥ ንደጌታትኪ ብዘንፀባርቕ ክቡር እምኒ፥ ንዅሉ ቅፅርኺ ድማ ብክቡር ኣእማን ክሰርሖ እየ። ኵሎም ውሉድኪ ብኣቦና ክምሃሩ እዮም፤ ሰላም ውሉድኪ ድማ ዓብዪ ክኸውን እዩ። ^c ብፅድቂ ክትፀንዒ ኢኺ፤ ዝተፍርሕዮ የብልክን እሞ ካብ ግፍዒ ክትርሕቒ ኢኺ፤ ናባኺ ኣይቐርብን እዩ እሞ ካብ ራዕዲ ክትርሕቒ ኢኺ። ሓደ እኳ ኣብ ልዕሌኺ ክርክር እንተ ኣልዓለ፥ ካባይ ኣይኮነን፤ ዝወግአኪ ዅሉ ኣብ ቅድሜኺ ክወድቕ እዩ። እንሆ፥ ነቲ ፍሕሚ ነፊሑ ናብ ሃልሃልታ ዘልዕልን ንግብሩ ዝበቅዕ ኣፅዋር ዝሰርሕን ሓፃዪ ዝፈጠርኩ ኣነ እየ፤ ነቲ ኸብርስ ዝፈጠርኩ መጥፍኢ ኸዓ ኣነ እየ።” ኣባኺ ዝተሰርሐ ኣፅዋር ኣይሰልጥንን እዩ፤ ኣብ ፍርዲ ኣባኺ ዝተልዓለ ኵሉ ልሳን ድማ ክትኵንንዮ ኢኺ። እዝ ርስቲ ባሮት ኣቦና እዩ፤ ፅድቆም ከዓ ካባይ እዩ፥ ይብል ኣቦና።