Gao, Age Bacha Nathaka Jun
Bacha nathaka, chari diya ekjon mahila ke gana gabole aru dangor tambu kinibole koi. Amikhan laga Pitri Tai mukh lukaise koi kene naamani kore na, khali itu ekta khyan nimite he thakise koi; Tai laga bhorsa thaka morom bodli nohowa age pahar khan hili jabo. Tai laga dewal khan nilmoni pora notun kori bonai, aru tai laga bacha khan Tai pora sikhai diya hobo.
54 1Gao, kitia bhi bacha najonom kora bacha nathaka mahila; gana kori kene gao aru khushi pora awaj uthabi, tumi kun kitia bhi bacha jonom laga bikha napa! Kilemane ekla chari diya mahila laga bacha khan shadi kora mahila laga bacha khan pora bisi hobo, amar Pitri koise.
2Tumar tombu ke dangor kori bi, aru tumar thaka ghor laga parda khan ke dur tak phailabi; narukhabi. Tumar rusi khan ke lamba kori bi aru tumar khuta khan ke gveer gara bi, 3kilemane tumi dyna phale aru baya phale phailai jabo; tumar bacha khan desh khan ke adhikar koribo aru ujar hoi juwa sheher khan ke aru basabo. 4Bhoi nakoribi, kilemane tumi sorom napabo; mon chutu nokoribi, kilemane tumi beijjati nohobo. Tumi tumar jawani laga sorom ke pahori jabo aru tumar bidhowa jiwon laga beijjati ke aru monte narakhibo. 5Kilemane tumar Bonai diya Jun tumar mota ase—sorgo laga sena khan laga Pitri Tar nam ase; Israel laga Pobitro Jun tumar Udhar-korta ase, pura prithibi laga amar Pitri koi kene Tar ke mata ase. a a v5 Amar Pitri nijor ke Tar manuh khan logot te vachan laga morom pora bandhi loi ase — eitu shadi laga chobi ase, ji Paul pichete Khrista aru Tar Kona uporte lagai dise (Ephesians 5:25-27). 6Kilemane amar Pitri tumi ke chari diya aru mon bhanga maiki nisena wapas mati loise, jawani somoite shadi kora maiki ke chari diya nisena, tumar Pitri koise.
7Olop somoi karne Moi tumi ke chari dise, kintu dangor morom pora Moi tumi ke wapas joma koribo. 8Khong laga baan pora Moi olop somoi karne Moi laga chehera tumi pora lukai dise, kintu kitia bhi nakhotom hua morom pora Moi laga mon tumi ke morom kori ase, amar Pitri, tumar Udhar-korta koise. 9Moi karne eitu Noah laga din khan nisena ase, jitia Moi kosom khaise je Noah laga pani khan aru kitia bhi prithibi ke dubai nadibo; tenekoi etiya Moi kosom khaise je tumar logote khong nokoribo aru tumi ke gali nadibo. 10Jodi bhi pahar khan guchi jabo aru tila khan hili jabo, Moi laga biswasi morom tumi pora guchi najabo, aru Moi laga shanti laga vachan hili najabo, amar Pitri, kun tumi ke morom kori Tar mon diye, koise. 11“Dukh pa-a jun, tufan pora hilai diya aru mon aram nathaka, sabi: Moi tumar pathor khan ke antimony pora lagabo aru tumar bhetimul khan ke sapphire pathor pora rakhibo. b b v11 Antimony: ekta kala khonij laga lesa, jun purana somoite ghor bona kaam te daam thaka pathor khan ke lagabole aru dikhabole cholai thakise, taikhan ke chamkai dibole. 12Moi tumar uncha ghor khan ke manik pathor pora bonabo, tumar dorja khan ke chamkai thaka moni pora, aru tumar sob deal khan ke daam thaka pathor pora. 13Tumar sob bacha khan amar Pitri pora sikhai dibo, aru tumar bacha khan laga shanti bisi dangor hobo. c c v13 Jisu pora Pitri pora Tar logote tani ana sob manuh ke buzabole eitu ayat ke koi dise (John 6:45). 14Dharmikota te tumi khara koribo; tumi julum pora dur te thakibo, kilemane tumi bhoi kora eku nathakibo, aru darona pora dur te, kilemane eitu tumar usorte nahibo. 15Jodi kunba tumar bhirodh te jhagara uthai dibo, eitu Moi pora nohoi; kun tumi ke hamla koribo tumar age te giri jabo. 16Sabi, koyla ke phuki kene jui jolai diya aru tar kaam karne thik hathiyar bona lohar-kaam kora manuh ke Moi he bonaise; aru sob khotom koribole nosto kora manuh ke bhi Moi he bonaise.” 17Tumar bhirodh te bona kun bhi hathiyar kaam nahobo, aru court te tumar bhirodh te utha sob jiba ke tumi dosi koribo. Eitu amar Pitri laga noukar khan laga uttoradhikar ase, aru taikhan laga nyay Moi pora ase, amar Pitri koi ase.