Nudipü Kerao No, Tsale Thite
Nudipü, khava keta thenopüce poti, Tsale thite, n tsü kühü mhakezho thite. Ha Poe hisaco hetsülü no khava zi mela mo, vele kemezhe kezholü mori; cejütuko taho sheri, vele Pü kekhrü no celü taho tamo. Pü nade kharü sapphire-e sala süva, mu pü nuneko Pue reni süva.
Ha Po verse hikolü po ba 7–17
54 1Tsale thite, no nudipü, menu kemopü; tsale prari te mu rehülü se müto te, no menu vathi kemopü! Kekrelamori methu ketapü thenopü nuneko, pünopu kebapü thenopü nuneko ce kro küto, zisü ha Poe poyo.
2N tsü kühü mhakezho thite, mu n kereshü füko khakhri müzho thiyite; meha tahite. N kero kümünye te mu n thükhoko khi kedü süte, 3Kekrelamori n lhü zaco mu veco kecekha küto; n nuneko kedeko ngoyi tato mu kemeka nadeko lü sübi hü thi tato. 4Meprü tahite, kekrelamori no uve kedi thimo; n mülü kekhayi tahite, kekrelamori no zhoshü thimo. No n natsi zhoshü rekramo tato mu n thepumi vathili zhoshü rekra samo tato. 5Kekrelamori n thi kesüo n thepumi zo—tüyo krodeko Poo Pü za zo; Israel Kemesao n redekeyi zo, cejü metü ha Po zisü Pü sizi keto. a a v5 Ha Poe jükho kekhrülü Pü kemesako zü Pütho khi kedü thiyo—kesü keri laco, hio Paul-e kezhoce Khrista mu Pü thenomi kesao thi kesü (Ephesians 5:25-27). 6Kekrelamori ha Poe no khava keta mu mülü kha keta thenopü bi, pü natsi thenopü bi, pü khava keta lize, sübi salü do, zisü neko Poe poyo.
7Hisaco hetsülü I no khava, vele kemezhe kezholü I no sübi phu küngu süto. 8Lekhu jüdelü I a phi no celü hisaco resü kesü, vele kechothe kekhrülü I no kemezhe thito, zisü ha Po, n redekeyi poyo. 9A yolü hio Noah tüsozho bi zo, I reshu kesüce Noah jüo cejü sübi whüyi tamo zisü; süla tsühi I no zü lekhu thimo mu no methi tamo zisü reshu kesü. 10Cejütu kha küta mu huyi pe shu lize ri, a kekhrü no celü kha küta mote, mu a kenü jükho pe shu tamote, zisü no kemezhe thi kesüo ha Poe poyo. 11“No kümüzhie keta, tükhrae rüchü keta mu thomelu kemopü, hihe: I n ketsüko antimony lü kha meta süto mu n bodü sapphireko lü mejudü süto. b b v11 Antimony: kezü ketsü-krü mha bi, kekro kehüce bodü thi kesüce ketsü püma kerüko kha meta mu laco thiyi süo, süko keve mezü thiyi küsü. 12I n tsü kedeko ketsü merezü lü thi süto, n kharüko keve prapü ketsüko lü, mu n sazho metü ketsü püma kerüko lü thi süto. 13N nuneko metü ha Poe methasü tato, mu n nuneko kenü kezho thito. c c v13 Jisue mha hio Poe Pü yolü salü do kesü thüma metüko laco thiyi de po kesü (John 6:45). 14Kemezilü no khi kedü thi küto; no kümüzhie keti celü kela küto, kekrelamori no meprü keto nomo, mu sasü celü kela küto, kekrelamori süo no meno vamo. 15Mhace no zü kelakre mhakebü lize, süo a celü vomo; no vori kehopüri n mhüjülü retu küto. 16Hihe, ketoko meli thi mhümüto kesü mu pü mha thi süyo phi rineko be thi kesü thü be thimi thi kesüo I zo; mu mekava phu kemekami thi kesüo I zo.” 17No ngomu de theri mhapü thiyi kesü püri vekeyi thimo, mu noe no ngomu de süsazülü dzüpo kesü jü kekre metü keprü yi süto. Hiohi ha Po cetao rhaküyi zo, mu uko mezi a celü voyo, ha Po poyo.
