Mazapta Yanglu
Davidwui, ana Abimelechwui mangāli kapā mi thāda sākhuikhaninga tharan, Abimelechna ali kashamshokhaowa, kala ana thuihaowa.
Abimelechwui mangāli kapā mi thāda sākhuikhaninga huikhuikahai thuishurda David na hi saia. Ana mi saikorali ithumwui Avā akhalatta yangkhavai kaso — mazapta yanglu — chieina themlākda tamchithei: nawui maleli ngarinlu, chingri kahai phālu. Ithumwui Avā huimi kahaibingli mānga maningla, ning kathengbingli khanganaida lei.
34 1Atam kachida ithumwui Avāli ina sochingra; awui masot atam kachida imorchaili leichingra.
2Iwui wuklungna ithumwui Avāwui vang langsoi; malung khanimabingna shāda mathānranu. 3Ithumwui Avāli ili ngasoda reingasaklu; awui mingli ithumna ngarumda sochikatsa.
4Ithumwui Avāli ina phai, kala ana ili ngahānkai; iwui khangachee saikorawui eina ana ili kanshokmi. 5Ali khayangbing china horchamri; athumwui mai makhayakluimara. 6Kachāma mipā hina khangakao, kala ithumwui Avāna ali shāmi; awui kakhanang saikorawui eina ana ali ngatangkhuimi. 7Ithumwui Avāwui kazingraona ali khangacheebingli kuimareida rairum sāda leili, kala ana athumli kanshokmi.
8Ithumwui Avā kaphaana da mazapta yanglu; ali ngayinkakhui mi chi sokhamina. 9Ithumwui Avāli ngacheelu, O nathum awui katharabing, kaja ali khangacheebingna khikha mavātmara. 10Kazingkha̱naona vāthaida thai, kha ithumwui Avāli kaphābingna kaphā khipānakha mavātmara.
11Rālu, naongarā, ili khanganāmilu; ithumwui Avāli khangacheekhami chi ina nathumli tamchitheimira. 12Khipā mina mirin ningkachang, kala khamathā atam kachungkha leishila? 13Nawui maleli makaphāwui eina thāhaolu, kala nawui morchaili mikhanam kahāng chi thāhaolu. 14Makaphā horhaida kaphā sālu; chingri kahai phāda chi kharomlu.
15Ithumwui Avāwui mik china khamashungabingli yangmida lei, kala awui khanā china athumwui ringkhangāli nganāmi. 16Ithumwui Avāwui mai china makaphā kasābingli ngasunga, athumwui ningphun okathuiwui eina katatserhaora. 17Khamashungabingna khangakao, kala ithumwui Avāna shāmi; athumwui kakhanang saikorawui eina ana athumli kanshokmi. 18Ithumwui Avā ning kathengbingli khanganaida lei; manglā yurkahaibingli ana huimi.
19Khangaronga mina kakhanang kachungkha samphanga, kha ithumwui Avāna ava̱va̱li chi saikorawui eina kanshokmi. 20Ithumwui Avāna khangarongawui ara̱kui saikora mayonmi; athumwui akhala matekmana.
21Makaphāna makhayā mili sāthatra; kala khangarongali yangkakharingbing chi yonngasakra. 22Ithumwui Avāna awui raobingwui manglā ngatangmi; kala ali ngayinkhui khipākha mayonngasakmara.
