Teian Hapashi
Dawid shangabü; laobou haoei Abimelek thedanga dabou tegü kümbü chaloua, Abimelekei hao shian sattikei, hoba hao haukei.
Dawidei da ong makan kümletan Abimelek thedanga sepeibü thonga hibü doankei. Haoei müt pendou to himshuongei seneibü Bou takteila ngeda—teian hapashi—kheijinei chongchingko leiluda: kaibü tongde kümennashi, sangmai shijung haushi. Seneibü Bou maangpon semthetbü shuong thüka nyangko setda, khümenan aploubü shuong shalakei ayingko.
34 1Ngei jih pendoua seneibü Bou haükulabü; haoeibü nyensang ponpen kü sembunga kilabü.
2Ngeibü soushouei seneibü Bou ka tang khittida; eaaoabü shuongei ditan olintishima. 3Kü yoa seneibü Bou yaangentiashi; senei jemala haoeibü nyen sangkho.
4Ngei seneibü Bou lambei, hoba haoei kü to jongaikei; haoei ngo kü hatbü pendou ka senetkei. 5Hao to souhatbü shuong soneikangko kida; haoeneibü thenyek ladangkei himouko akilabü. 6Ho shalebü müt ngekkei, hoba seneibü Bouei hao ditkei; haoei hao maangshat pendou ka khümenkei. 7Seneibü Bou hangangbüei hao to hatbü shuong kaijembo setda, hoba haoei haoen püetan.
8Seneibü Bou maibü ki dogo teian hapashi; hao ka yungbü müt olinbou. 9Seneibü Bou to soumo hatashi, kan haoeibü saopobü shuong; aishanga hao to hatbü shuong aieikei sha alelabü. 10Molosaonyu shoushou mühei haida hoba sha leda, lausikei seneibü Bou lambü shuongei maibü aieikei sha alelabü.
11Louashi, shousi shuong, kü to ditashi; ngei kan la seneibü Bou soumo hatbü lenlabü. 12Aoei langkei maangdakda, hoba maibü chalou juong sanouda? 13Kaibü tongde amaibü ka saüenan kishi, hoba kaibü sembung amlangbü joyola ka saüenashi. 14Shabü ka bangashi hoba maibü kümashi; sangmai lamashi hoba kho shijung haushi.
15Seneibü Bou nyek saopobü shuong thüka kia, hoba haoeibü nou haoeneibü ngek to ipbukei kia. 16Seneibü Bou thenyek amaibü kümbü shuong khulimbo kia, haoeneibü damenbü kaodak ka haman aplabü. 17Saopobü shuongei ngekda, hoba seneibü Bouei ditda; haoei haoen maangshat pendou ka senetda. 18Seneibü Bou maangpon leilubü shuong to nyangko ki; haoei soushoua leilubü shuong khümenda.
19Saopobü shuong jungto maangshat juong louda, lausikei seneibü Bouei khübü pendou ka hao senetda. 20Seneibü Bouei saopobü lo pendou lomda; khübü ka che ongkei aleilu.
21Amaibüei amaibü mütshuong haitilabü, hoba saopobü to mangsenbü shuong la shedbü kulabü. 22Seneibü Bouei hao khangenbü shuong soushou angthetda; hao to satenbü shuong aoeikei shedbü akulabü.
