Charta Hawa Rukhai Rakhise

Nuksan aru agete jabole age, charjon sorgodoot batas ke dhori rakhe jitia tak amikhan laga Pitri laga noukor khan ke mohor mari diye. Titia gina napara bisi manuh laga ekta bhir, sob bhasa pora, dangor dukh pora aha. Ekjon bura taikhan laga kotha bujhai diye: aru kitia bhi bhuk nalagibo, aru sob suku pani puchi dibo.

Adhyay 7.

Etu pichete, moi charjon sorgodoot ke prithibi laga charta kona te khara thaka dekhise, aru tarkhan pora prithibi laga charta hawa ke dhori rakhise, titia mati uporte, samundar uporte, nahole kunba gash uporte hawa nabohibo. Titia moi dusra ekjon sorgodoot ke purab pora uthi aha dekhise, jun laga hathte amar jivit Pitri laga chap thakise. Jun charjon sorgodoot ke prithibi aru samundar ke nuksan koribole khyamota dise, taikhan ke tai jorse pora matise, koise, “Amikhan amar Pitri laga noukar khan ke tarkhan laga kopal te chap namara tak, prithibi, samundar, nahole gash khan ke nuksan nakoribi.” Chap mari luwa khan laga ginti moi hunise: 144,000 jon, Israel laga chokra khan laga sob jati pora chap mari loise. ^a Judah laga jati pora 12,000 chap mari loise, Reuben laga jati pora 12,000, Gad laga jati pora 12,000, Asher laga jati pora 12,000, Naphtali laga jati pora 12,000, Manasseh laga jati pora 12,000, Simeon laga jati pora 12,000, Levi laga jati pora 12,000, Issachar laga jati pora 12,000, Zebulun laga jati pora 12,000, Joseph laga jati pora 12,000, Benjamin laga jati pora 12,000 chap mari loise.

Kun bhi Ginti Koribo Napara Dangor Bhir

Etu pichete moi ekta dangor bhir dekhise, junke kun bhi ginti koribo napare, sob desh, jati, manuh, aru bhasha pora, boga kapor pindhi kene, hathte khajur laga daal loi kene, singhason laga age te aru Mer-bacha laga age te khara thakise. Tarkhan dangor awaj pora koise, “Poritran tu singhason te boha amar Pitri laga ase, aru Mer-bacha laga ase!”

Sob sorgodoot khan singhason, bura khan, aru charta jivit janwar laga age te khara thakise, titia tarkhan singhason laga age te matha niche kori girise aru amar Pitri ke aradhana korise, koise, “Amen! Asirbad, mahima, gyan, dhanyabad, sanman, khyamota, aru takot amar Pitri ke hodai aru hodai nimite hobi! Amen.”

Titia bura khan majot pora ekjon pora moi ke hudise, “Boga kapor pindha eikhan — tarkhan kun ase, aru tarkhan kot pora ahise?”

Moi koise, “Moi laga probhu, apuni jane.” Tai koise, “Eikhan dangor dukh pora ahise; tarkhan nijor kapor ke dhui kene Mer-bacha laga khoon te boga korise.”

Etu nimite tarkhan amar Pitri laga singhason age te ase, aru Tar mondir te din-raat Tar sewa kori ase; singhason te boha jun ase, Tai tarkhan ke dhaki rakhibo. Tarkhan ke aru bhuk nalagibo aru aru pyaas bhi nalagibo; suryo bhi tarkhan uporte namaribo, nahole kunba gorom bhi taikhan ke namaribo. Kilemane singhason laga maujdhar te thaka Mer-bacha pora tarkhan ke charabo, aru Tai tarkhan ke jivit pani laga jhorna phale loi jabo; aru amar Pitri pora tarkhan laga aakhi pora sob aakhi-pani mussi dibo. ^b