Me basika na mukanda
Dibuku

Dikanda ke tunga dyaka lupangu kintwadi

Mwelo na mwelo, kitini na kitini, mbanza ya mvimba bakaka bisalulu: banganga-Nzambi, basadi ya wolo, kisadi-mananasi mosi, bamfumu ya bizunga, bantu ya Yeliko mpe ya Tekowa, Salume ke sala pene-pene ya bana ya yandi ya bakento. Kaka bantu ya mfunu ya ba-Tekowa buyaka kutula balaka ya bawu na kisalu.

Kapu 3.

Eliyasibe, nganga-Nzambi ya ntete, na bampangi ya yandi banganga-Nzambi telamaka mpe bawu tungaka Mwelo ya Mameme. Bawu byekaka yawu mpe tulaka myelo ya yawu; bawu byekaka yawu tii na yinzo ya mutela ya yinda ya Nkama, tii na yinzo ya mutela ya yinda yina bawu ke bokilaka Ananeele. Na lweka ya bawu, bantu ya mbanza Yeliko tungaka, mpe na lweka ya bawu, Zakule, mwana ya Imena, tungaka.

Bana ya Asena tungaka dyaka Mwelo ya Bambisi. Bawu tulaka mabaya ya yawu mpe tulaka myelo ya yawu, bikangulu ya yawu mpe bayinti ya yawu. Na lweka ya bawu, Melemote, mwana ya Uli, mutekolo ya Akotsi, bongisaka. Na lweka ya bawu, Mesulame, mwana ya Belekiya, mutekolo ya Mesezabele, bongisaka. Na lweka ya bawu, Sadoke, mwana ya Baana, bongisaka. Na lweka ya bawu, bantu ya mbanza Tekowa bongisaka, kasi bantu ya mfunu ya bawu buyaka kutula balaka ya bawu na kisalu ya bamfumu ya bawu.

Yoyada, mwana ya Paseya, na Mesulame, mwana ya Besodeya, bongisaka Mwelo ya Ntama. Bawu tulaka mabaya ya yawu mpe tulaka myelo ya yawu, bikangulu ya yawu mpe bayinti ya yawu. Na lweka ya bawu, Melali mu-Ngabawone na Yadone mu-Melonote, bantu ya Ngabawone na Misepa, bongisaka ndambu yina vwandaka ya kiti ya mfumu ya kizunga ya Ngambu ya Nzadi. a a v7 Kizunga ya Ngambu ya Nzadi vwandaka kizunga ya luyalu ya ba-Pelese yina vwandaka na bayinsi nyonso yina kele na ndambu ya westi ya Nzadi Efalate, kuvukisa mpe Yuda. Na lweka ya yandi, Uzyele, mwana ya Alalaya, mosi na kati ya bisadi ya wolo, bongisaka. Na lweka ya yandi, Anani, kisadi-mananasi, bongisaka. Bawu bongisaka Yelusalemi tii na Lupangu ya Nene. Na lweka ya bawu, Refaya, mwana ya Wule, mfumu ya ndambu ya kizunga ya Yelusalemi, bongisaka. Na lweka ya bawu, Yedaya, mwana ya Alumafe, bongisaka na mantwala ya yinzo ya yandi; na lweka ya yandi, Atushe, mwana ya Asabaneya, bongisaka. Malekiya, mwana ya Alime, na Asube, mwana ya Payate-Mowabe, bongisaka ndambu ya nkaka mpe yinzo ya mutela ya yinda ya Bafulu. Na lweka ya yandi, Salume, mwana ya Aloese, mfumu ya ndambu ya kizunga ya Yelusalemi, bongisaka, yandi na bana ya yandi ya bakento.

Anune na bantu ya Zanowa bongisaka Mwelo ya Mudimba. Bawu tungaka yawu dyaka, tulaka myelo ya yawu, bikangulu ya yawu mpe bayinti ya yawu, mpe bawu bongisaka lupangu kiteso ya bakude funda mosi na nkama tanu (1 500) tii na Mwelo ya Matufi.

Malekiya, mwana ya Lekabe, mfumu ya kizunga ya Bete-Akelemi, bongisaka Mwelo ya Matufi. Yandi tungaka yawu dyaka mpe tulaka myelo ya yawu, bikangulu ya yawu mpe bayinti ya yawu.

Salune, mwana ya Kole-Oze, mfumu ya kizunga ya Misepa, bongisaka Mwelo ya Yinto. Yandi tungaka yawu dyaka, tulaka yawu muludi mpe tulaka myelo ya yawu, bikangulu ya yawu mpe bayinti ya yawu. Yandi bongisaka mpe lupangu ya Kizinga ya Silowe pene-pene ya Bilanga ya Ntinu, tii na bisekelo yina ke kulumuka katuka na Mbanza ya Davidi. Na manima ya yandi, Nehemiya, mwana ya Azebuke, mfumu ya ndambu ya kizunga ya Bete-Sule, bongisaka tii na kisika yina ke talasanaka na bandyamu ya Davidi, na kizinga yina bawu tungaka mpe na Yinzo ya Binwani. Na manima ya yandi, ba-Levi bongisaka: Lewume, mwana ya Bani. Na lweka ya yandi, Asabiya, mfumu ya ndambu ya kizunga ya Keyila, bongisaka samu na kizunga ya yandi. Na manima ya yandi, bampangi ya bawu ba-Levi bongisaka: Binuwi, mwana ya Enadade, mfumu ya ndambu ya kizunga ya Keyila. Na lweka ya yandi, Esele, mwana ya Yeswa, mfumu ya Misepa, bongisaka ndambu ya zole yina ke talasanaka na nzila ya kutombuka ya yinzo ya binwanunu, na Nsongi. Na manima ya yandi, Baluke, mwana ya Zabayi, bongisaka na kikesa yonso ndambu ya nkaka, kubanda na Nsongi tii na nkotolo ya yinzo ya Eliyasibe, nganga-Nzambi ya ntete. Na manima ya yandi, Melemote, mwana ya Uli, mutekolo ya Akotsi, bongisaka ndambu ya nkaka, kubanda na nkotolo tii na nsuka ya yinzo ya Eliyasibe. Na manima ya yandi, banganga-Nzambi, bantu ya kizunga yina ke zunga mbanza, bongisaka. Na manima ya bawu, Benyamine na Asube bongisaka na mantwala ya yinzo ya bawu. Na manima ya bawu, Azalyawu, mwana ya Maaseya, mutekolo ya Ananiya, bongisaka pene-pene ya yinzo ya yandi mosi. Na manima ya yandi, Binuwi, mwana ya Enadade, bongisaka ndambu ya nkaka, kubanda na yinzo ya Azalyawu tii na Nsongi mpe na nsongi ya lupangu. Palali, mwana ya Uzayi, bongisaka na mantwala ya Nsongi mpe na mantwala ya yinzo ya mutela ya yinda yina ke basika na yinzo ya ntinu ya zulu, pene-pene ya lupangu ya bakengi. Na manima ya yandi, Pedasule, mwana ya Palose. Bisadi ya Yinzo ya Nzambi yina vwandaka zinga na Ofele bongisaka tii na mantwala ya Mwelo ya Maza na ndambu ya esete, mpe tii na yinzo ya mutela ya yinda yina ke basika. Na manima ya bawu, bantu ya mbanza Tekowa bongisaka ndambu ya zole, kubanda na mantwala ya yinzo ya mutela ya yinda ya nene yina ke basika tii na lupangu ya Ofele.

Na zulu ya Mwelo ya Bampunda, banganga-Nzambi bongisaka, konso mosi na mantwala ya yinzo ya yandi mosi. Na manima ya yandi, Sadoke, mwana ya Imele, bongisaka na mantwala ya yinzo ya yandi. Na manima ya yandi, Semaya, mwana ya Sekaniya, mukengi ya Mwelo ya Esete, bongisaka. Na manima ya yandi, Anani, mwana ya Selemiya, na Anune, mwana ya sambanu ya Zalafe, bongisaka ndambu ya nkaka. Na manima ya bawu, Mesulame, mwana ya Belekiya, bongisaka na mantwala ya kisika yina yandi vwandaka zinga. Na manima ya yandi, Malekiya, mosi na kati ya bisadi ya wolo, bongisaka tii na yinzo ya bisadi ya Yinzo ya Nzambi mpe ya bantu ya mumbungu, na mantwala ya Mwelo ya Kutala, mpe tii na kibandu ya zulu yina kele na nsongi. Na kati-kati ya kibandu ya zulu yina kele na nsongi mpe Mwelo ya Mameme, bisadi ya wolo mpe bantu ya mumbungu bongisaka.