Usapho Lwakha Udonga Kunye

Isango ngesango, icandelo ngecandelo, umzi uphela uthabatha izixhobo: ababingeleli, abakhandi begolide, umqholi, abalawuli bamaphondo, amadoda aseYeriko naseTekowa, uShalum esebenza ecaleni kweentombi zakhe. Zizinhanha zaseTekowa kuphela ezala ukuzithoba emsebenzini.

Isahluko 3.

Wesuka uEliyashibhi umbingeleli omkhulu nababingeleli babo bakha isango lezimvu. Balingcwalisa, bamisa iingcango zalo; balingcwalisa, kwada kwesa enqabeni ende yalikhulu, kwesa enqabeni ende kaHananeli. Ngakubo kwakha amadoda aseYeriko, ngakubo kwakha uZakure unyana ka-Imri.

Oonyana bakaHasenaha bakha isango lentlanzi, bazibeka iiplanga zalo, bamisa iingcango zalo, nemivalo yalo, nemigoqo yalo. Ngakubo kwakha uMeremoti unyana ka-Uriya, unyana kaHakotse. Ngakubo kwakha uMeshulam unyana kaBherekiya, unyana kaMeshezabheli. Ngakubo kwakha uTsadoki unyana kaBhahana. Ngakubo kwakha amaTekowa, kodwa izinhanha zawo azizange zizifake intamo yazo emsebenzini wenkosi yazo.

UYoyada unyana kaPaseya, noMeshulam unyana kaBhesodeya, bakha isango elidala: bazibeka iiplanga zalo, bamisa iingcango zalo, nemivalo yalo, nemigoqo yalo. Ngakubo kwakha uMelatiya waseGibheyon, noYadon waseMeronoti, amadoda aseGibheyon naseMizpa, isiqingatha esiphathelele esihlalweni serhuluneli yommandla oNgaphesheya koMlambo. ^a Ngakuye kwakha uUziyeli unyana kaHarhaya, omnye wabakhandi begolide. Ngakuye kwakha uHananiya, umqholi. Bayilungisa iYerusalem, kwesa eludongeni olubanzi. Ngakubo kwakha uRefaya unyana kaHuri, umphathi wesiqingatha sommandla waseYerusalem. Ngakubo kwakha uYedaya unyana kaHarumafu, malunga nendlu yakhe; ngakuye kwakha uHatushe unyana kaHashabheneya. UMalekiya unyana kaHarim, noHashubhi unyana kaPahati-mowabhi, bakha esinye isiqingatha, nenqaba ende yeeziko. Ngakuye kwakha uShalum unyana kaHaloheshe, umphathi wesiqingatha sommandla waseYerusalem, yena neentombi zakhe.

UHanun nabantu baseZanowa bakha isango lentili, belivusa, bemise iingcango zalo, nemivalo yalo, nemigoqo yalo, belungisa nodonga oluziikubhite eziliwaka elinamakhulu mahlanu, kwesa esangweni lelindle.

UMalekiya unyana kaRekabhi, umphathi wommandla waseBhete-hakerem, wakha isango lelindle, belivusa, emise iingcango zalo, nemivalo yalo, nemigoqo yalo.

UShalun unyana kaKolehoze, umphathi wommandla waseMizpa, wakha isango lomthombo, elivusa, elifulela, emise iingcango zalo, nemivalo yalo, nemigoqo yalo. Wakha nodonga lwechibi laseSilowa ngasemyezweni wokumkani, kwesa ezinyukweni ezivela kumzi kaDavide. Emva kwakhe kwakha uNehemiya unyana ka-Azebhuki, umphathi wesiqingatha sommandla waseBhete-tsure, wesa kwindawo emalunga namangcwaba kaDavide, nechibi elakhiweyo, nendlu yamagorha. Emva kwakhe kwakha abaLevi: uRehum unyana kaBhani. Ngakuye kwakha uHashabhiya, umphathi wesiqingatha sommandla waseKehila, wakha ummandla wakhe. Emva kwakhe kwakha abazalwana babo abaLevi: uBhinuwi unyana kaHenadadi, umphathi wesiqingatha sommandla waseKehila. Ngakuye kwakha uEtsere unyana kaYeshuwa, umphathi waseMizpa, esinye isiqingatha, malunga nokunyuka kwendlu yezixhobo eMbombeni. Emva kwakhe kwakha uBharuki unyana kaZabhayi ngobungxamo, esinye isiqingatha, kuthabathela eMbombeni, kuse ekungeneni kwendlu kaEliyashibhi umbingeleli omkhulu. Emva kwakhe kwakha uMeremoti unyana ka-Uriya, unyana kaHakotse, esinye isiqingatha, kuthabathela ekungeneni kwendlu kaEliyashibhi, kuse ekupheleni kwayo. Emva kwakhe kwakha ababingeleli, amadoda athafeni eliphahlileyo. Ngakubo kwakha uBhenjamin noHashubhi, malunga nendlu yabo. Ngakubo kwakha uAzariya unyana kaMahaseya, unyana ka-Ananiya, ngakwindlu yakhe. Emva kwakhe kwakha uBhinuwi unyana kaHenadadi, esinye isiqingatha, kuthabathela endlwini ka-Azariya, kuse eMbombeni nasembonjeni. UPalali unyana kaUzayi wakha malunga neMbombe nenqaba ende ephuma endlwini ephezulu yokumkani, engasentendelezweni yabagcini. Emva kwakhe kwakha uPedaya unyana kaParoshe. Abakhonzi betempile ababehleli e-Ofele bakha kwesa kwindawo emalunga nesango lamanzi ngasempumalanga, nenqaba ende ephuma phandle. Emva kwabo kwakha amaTekowa esinye isiqingatha, kuthabathela endaweni emalunga nenqaba ende enkulu ephuma phandle, kuse eludongeni lwase-Ofele.

Phezu kwesango lamahashe kwakha ababingeleli, elowo malunga nendlu yakhe. Emva kwakhe kwakha uTsadoki unyana ka-Imere, malunga nendlu yakhe. Emva kwakhe kwakha uShemaya unyana kaShekaniya, umgcini wesango lasempumalanga. Emva kwakhe kwakha uHananiya unyana kaShelemiya, noHanun, unyana wesithandathu kaTsalafu, esinye isiqingatha. Emva kwabo kwakha uMeshulam unyana kaBherekiya, malunga negumbi lakhe lokuhlala. Emva kwakhe kwakha uMalekiya, omnye wabakhandi begolide, wesa kwindlu yabakhonzi betempile nabarhwebi, malunga nesango lophononongo, kwesa egumbini eliphezulu elisembonjeni. Phakathi kwegumbi eliphezulu elisembonjeni nesango lezimvu, kwakha abakhandi begolide nabarhwebi.