መዝሙር 26

26 ¹አባቴ ሆይ፣ ፍረድልኝ፤ በቅንነቴ ተመላልሻለሁና፤ በአባቴም ሳልወላውል ታምኛለሁ።

²አባቴ ሆይ፣ መርምረኝ፤ ፈትነኝም፤ ልቤንና አእምሮዬን አንጥር። ³ምሕረትህ በዓይኖቼ ፊት ነውና፤ በታማኝነትህም እመላለሳለሁ።

⁴ከሐሰተኞች ሰዎች ጋራ አልቀመጥም፤ ከግብዞችም ጋራ አልተባበርም። ⁵የክፉ አድራጊዎችን ጉባኤ ጠልቻለሁ፤ ከክፉዎችም ጋራ አልቀመጥም። ⁶እጆቼን በንጽሕና እታጠባለሁ፤ አባቴ ሆይ፣ መሠዊያህንም እዞራለሁ፤ ⁷ምስጋናዬን በታላቅ ድምፅ እያወጅሁ፣ ድንቅ ሥራዎችህንም ሁሉ እየተናገርሁ።

⁸አባቴ ሆይ፣ የምትኖርበትን ቤት፣ ክብርህ የሚያድርበትን ስፍራ እወድዳለሁ።

⁹ነፍሴን ከኀጢአተኞች ጋራ አትጥረግ፤ ሕይወቴንም ከጨካኝ ሰዎች ጋራ፤ ¹⁰በእጆቻቸው ክፉ ሴራ አለ፤ ቀኝ እጃቸውም ጉቦ ሞልቶበታል። ¹¹እኔ ግን በቅንነቴ እመላለሳለሁ፤ ተቤዠኝ፤ ማረኝም።

¹²እግሬ በደልዳላ ስፍራ ቆሟል፤ በታላቁ ጉባኤ አባቴን እባርካለሁ።