Apo, A Sheco Thite
David la chele.
David pü sheco thiyi phu zo, pü melü mu pü kelü dojü de müsa thiyi, kekrelamori pü sajuküshemiko mu be süceraka chupü thümako zü bamota. Pü phu kesü hi kejo kelasü mo, vele kebara zo: pü Po keve zhüpü kehü.
26 1Apo, a sheco thite, kekrelamori i a kemezilü chota, mu a Po lü tha metü i melüta.
2Apo, a dojü süte, mu a medephi süte; a melü mu a kelü müsa thite. 3Kekrelamori n jütsüjükho kekhrü a mhü mhüjülü zo, mu n kemelü lü i hüyo.
4Sajuküshemiko zü i bamo, mori kethera ketako mu mhapo i thimo. 5Mha kesu kethimiko makro i metsü, mu sekemoko zü i bamozo. 6A be kephomakemolü i chu va, mu n rüsuba hupü i chota, Apo, 7A zapo semetolü zhopothi, mu n mha kekro kerekri metü pophayi.
8Apo, no kehü ce i khrü, n keve zhüpü kebara ce i khrüzo.
9A khri kephomamiko zü thenopü tahite, mori a kürhüo murimu küyiko zü thenopü tahite, 10Uko belü mha kesu dorhüko ba, mu uko zaco be süceraka chupü zo. 11Vele i zori, a kemezilü i hüyo; a redeyi te, mu a phimezhe süte.
12Kethezholü i tha; thüma makro kezho lü i a Po tsüto.
