Ndilungamiseni, Baba
Ya Dhavidhi.
Dhavidhi asaphemba kuwoneswa, ntima wace na manyerezero ace kuyezwa na kucenesiwa, thangwi iye adakhala kutali na anzace aunyengeri na manja adzala na pitsova. Pinafuna iye nkhabe kutongwa, mbwenye mbuto: nyumba inakhala mbiri ya Baba wace.
26 1Ndilungamiseni, Baba wanga, thangwi ndafamba mu ulungami wanga, na mwa Baba wanga ndanyindira mwakukhonda kupenula.
2Ndidingeni, Baba wanga, pontho ndiyeserani; cenesani ntima wanga na nzeru zanga. 3Thangwi kufuna kwanu kwakukhonda kumala kuli patsogolo pa maso anga, na ndisafamba mu kukhulupirika kwanu.
4Nkhabe khala pabodzi na anthu aunyengezi, nee kucita uxamwali na anyauthambi. 5Ndisada mgumano wa anyakucita pyakuipa, na nee ndinakhala pabodzi na anthu akuipa. 6Ndisasambisa manja anga mu kukhonda kudawa, na ndisazungulira guwa yanu yantsembe, Baba wanga, 7mbandipereka takhuta kwanga mwakugaluza, na kulonga mabasa anu onsene akudzumisa.
8Baba wanga, ndisafuna nyumba munakhala Imwe, mbuto inapuma mbiri yanu.
9Lekani kufudza moyo wanga pabodzi na anyakudawa, nee umaso wanga pabodzi na amuna aciwembu, 10awo m'manja mwawo muli makani akuipa, na manja awo amadyo adzala na pitsova. 11Mbwenye Ine, ndisafamba mu ulungami wanga; ndiomboleni mbamundicitira ntsisi.
12Ndisalimira pa mbuto yakulinganira; mu mgumano ukulu ndinasimba Baba wanga.
