ዘኍልቍ 26

26 ¹ከመቅሠፍቱ በኋላ አባታችን ሙሴንና የካህኑን የአሮንን ልጅ አልዓዛርን እንዲህ አላቸው፤

²“በእስራኤል ሰራዊት ውስጥ ለማገልገል የሚችለውን ዕድሜው ሃያና ከዚያ በላይ የሆነውን ሁሉ፣ የእስራኤልን ማኅበር በሙሉ እንደ አባቶቻቸው ቤት ቍጠሩ።”

³ሙሴና ካህኑ አልዓዛር በሞአብ ሜዳ፣ በዮርዳኖስ አጠገብ፣ በኢያሪኮ ትይዩ እንዲህ ብለው ተናገሩአቸው፤ ⁴“አባታችን ሙሴን እንዳዘዘው ዕድሜው ሃያ ዓመትና ከዚያ በላይ የሆነውን ሕዝብ ቍጠሩ።” ከግብፅ ምድር የወጡት የእስራኤል ሕዝብም እነዚህ ነበሩ፤

⁵የእስራኤል በኵር ሮቤል። የሮቤል ልጆች፦ ከሃኖክ የሃኖካውያን ጐሳ፤ ከፋሉ የፋሉአውያን ጐሳ፤ ⁶ከሔጽሮን የሔጽሮናውያን ጐሳ፤ ከካርሚ የካርማውያን ጐሳ። ⁷የሮቤላውያን ጐሳዎች እነዚህ ናቸው፤ ቍጥራቸውም 43,730 ነበር። ⁸የፋሉ ልጆች፦ ኤሊያብ። ⁹የኤሊያብ ልጆች፦ ነሙኤል፣ ዳታንና አቢሮን ነበሩ። እነዚህ ዳታንና አቢሮን አባታችንን በተቃወሙ ጊዜ፣ በቆሬ ማኅበር ሙሴንና አሮንን የተቃወሙ የማኅበሩ ተወካዮች ነበሩ። ¹⁰ያ ጭፍራ ሲሞትና እሳቱ 250 ሰዎችን ሲበላ፣ ምድር አፏን ከፍታ እነርሱንና ቆሬን ዋጠች፤ ማስጠንቀቂያም ሆኑ። ¹¹የቆሬ ልጆች ግን አልሞቱም።

¹²የስምዖን ልጆች እንደ ጐሳቸው፦ ከነሙኤል የነሙኤላውያን ጐሳ፤ ከያሚን የያሚናውያን ጐሳ፤ ከያኪን የያኪናውያን ጐሳ፤ ¹³ከዛራ የዛራውያን ጐሳ፤ ከሳኦል የሳኦላውያን ጐሳ። ¹⁴የስምዖናውያን ጐሳዎች እነዚህ ናቸው፤ 22,200 ነበሩ።

¹⁵የጋድ ልጆች እንደ ጐሳቸው፦ ከጸፎን የጸፎናውያን ጐሳ፤ ከሐጊ የሐጋውያን ጐሳ፤ ከሹኒ የሹናውያን ጐሳ፤ ¹⁶ከአዝኒ የአዝናውያን ጐሳ፤ ከኤሪ የኤራውያን ጐሳ፤ ¹⁷ከአሮድ የአሮዳውያን ጐሳ፤ ከአርኤሊ የአርኤላውያን ጐሳ። ¹⁸እንደ ተቈጠሩት የጋድ ልጆች ጐሳዎች እነዚህ ናቸው፤ 40,500 ነበሩ።

¹⁹የይሁዳ ልጆች ዔርና አውናን ነበሩ፤ ዔርና አውናን በከነዓን ምድር ሞቱ። ²⁰የይሁዳ ልጆች እንደ ጐሳቸው፦ ከሴላ የሴላውያን ጐሳ፤ ከፋሬስ የፋሬሳውያን ጐሳ፤ ከዛራ የዛራውያን ጐሳ። ²¹የፋሬስ ልጆች፦ ከሔጽሮን የሔጽሮናውያን ጐሳ፤ ከሃሙል የሃሙላውያን ጐሳ። ²²እንደ ተቈጠሩት የይሁዳ ጐሳዎች እነዚህ ናቸው፤ 76,500 ነበሩ።

²³የይሳኮር ልጆች እንደ ጐሳቸው፦ ከቶላ የቶላውያን ጐሳ፤ ከፉዋ የፉዋውያን ጐሳ፤ ²⁴ከያሱብ የያሱባውያን ጐሳ፤ ከሺምሮን የሺምሮናውያን ጐሳ። ²⁵እንደ ተቈጠሩት የይሳኮር ጐሳዎች እነዚህ ናቸው፤ 64,300 ነበሩ።

²⁶የዛብሎን ልጆች እንደ ጐሳቸው፦ ከሴሬድ የሴሬዳውያን ጐሳ፤ ከኤሎን የኤሎናውያን ጐሳ፤ ከያሕልኤል የያሕልኤላውያን ጐሳ። ²⁷እንደ ተቈጠሩት የዛብሎናውያን ጐሳዎች እነዚህ ናቸው፤ 60,500 ነበሩ።

²⁸የዮሴፍ ልጆች እንደ ጐሳቸው ምናሴና ኤፍሬም ነበሩ። ²⁹የምናሴ ልጆች፦ ከማኪር የማኪራውያን ጐሳ፤ ማኪር ገለዓድን ወለደ፤ ከገለዓድ የገለዓዳውያን ጐሳ። ³⁰የገለዓድ ልጆች፦ ከኢያዜር የኢያዜራውያን ጐሳ፤ ከሔሌቅ የሔሌቃውያን ጐሳ፤ ³¹ከአስሪኤል የአስሪኤላውያን ጐሳ፤ ከሴኬም የሴኬማውያን ጐሳ፤ ³²ከሸሚዳ የሸሚዳውያን ጐሳ፤ ከሔፌር የሔፌራውያን ጐሳ። ³³የሔፌር ልጅ ስሎፍካድ ወንዶች ልጆች አልነበሩትም፤ ሴቶች ልጆች ብቻ ነበሩት፦ ማህላ፣ ኖዓ፣ ሔግላ፣ ሚልካና ቲርጻ። ³⁴የምናሴ ጐሳዎች እነዚህ ናቸው፤ ቍጥራቸውም 52,700 ነበር።

³⁵የኤፍሬም ዘሮች እንደ ጐሳቸው እነዚህ ናቸው፦ ከሹቴላ የሹቴላውያን ጐሳ፤ ከቤኬር የቤኬራውያን ጐሳ፤ ከታሐን የታሐናውያን ጐሳ። ³⁶የሹቴላም ልጆች እነዚህ ናቸው፦ ከኤራን የኤራናውያን ጐሳ። ³⁷እንደ ቍጥራቸው የኤፍሬም ልጆች ጐሳዎች እነዚህ ናቸው፤ 32,500 ነበሩ። የዮሴፍ ልጆች እንደ ጐሳቸው እነዚህ ናቸው።

³⁸የብንያም ልጆች እንደ ጐሳቸው፦ ከቤላ የቤላውያን ጐሳ፤ ከአሽቤል የአሽቤላውያን ጐሳ፤ ከአሂራም የአሂራማውያን ጐሳ፤ ³⁹ከሸፉፋም የሹፋማውያን ጐሳ፤ ከሑፋም የሑፋማውያን ጐሳ። ⁴⁰የቤላ ልጆች አርድና ነዓማን ነበሩ፦ ከአርድ የአርዳውያን ጐሳ፤ ከነዓማን የነዓማውያን ጐሳ። ⁴¹እንደ ጐሳቸው የብንያም ልጆች እነዚህ ናቸው፤ ቍጥራቸውም 45,600 ነበር።

⁴²የዳን ልጆች እንደ ጐሳቸው እነዚህ ነበሩ፦ ከሹሐም የሹሐማውያን ጐሳ። የዳን ጐሳዎች እንደ ጐሳቸው እነዚህ ነበሩ። ⁴³የሹሐማውያን ጐሳዎች ሁሉ ቍጥራቸው 64,400 ነበር።

⁴⁴የአሴር ልጆች እንደ ጐሳቸው፦ ከይምና የይምናውያን ጐሳ፤ ከይሽዊ የይሽዋውያን ጐሳ፤ ከብሪዓ የብሪዓውያን ጐሳ። ⁴⁵የብሪዓ ልጆች፦ ከሔቤር የሔቤራውያን ጐሳ፤ ከማልኪኤል የማልኪኤላውያን ጐሳ። ⁴⁶አሴር ሴራ የተባለች ሴት ልጅ ነበረችው። ⁴⁷እንደ ተቈጠሩት የአሴር ልጆች ጐሳዎች እነዚህ ናቸው፤ 53,400 ነበሩ።

⁴⁸የንፍታሌም ልጆች እንደ ጐሳቸው፦ ከያሕጽኤል የያሕጽኤላውያን ጐሳ፤ ከጉኒ የጉናውያን ጐሳ፤ ⁴⁹ከይጸር የይጸራውያን ጐሳ፤ ከሺሌም የሺሌማውያን ጐሳ። ⁵⁰የንፍታሌም ጐሳዎች እነዚህ ናቸው፤ ቍጥራቸውም 45,400 ነበር። ⁵¹የእስራኤል ሕዝብ አጠቃላይ ቍጥር ይህ ነበር፦ 601,730።

⁵²ከዚያም አባታችን ሙሴን እንዲህ አለው፤

⁵³“ምድሪቱ እንደ ስሞቹ ቍጥር ለእነዚህ ርስት እንድትሆን ትከፈል። ⁵⁴ለብዙው ወገን ብዙ ምድር፣ ለጥቂቱ ጥቂት ስጥ፤ ለእያንዳንዱ ድርሻ እንደ ተቈጠረው ቍጥር ይሰጠው። ⁵⁵ምድሪቱ ግን በዕጣ ትከፈል፤ እንደ አባቶቻቸው ነገድ ስም ይወርሳሉ። ⁵⁶ርስታቸው በብዙውና በጥቂቱ መካከል በዕጣ ይከፋፈል።”

⁵⁷እንደ ጐሳቸው የተቈጠሩት ሌዋውያን እነዚህ ናቸው፦ ከጌድሶን የጌድሶናውያን ጐሳ፤ ከቀዓት የቀዓታውያን ጐሳ፤ ከሜራሪ የሜራራውያን ጐሳ። ⁵⁸የሌዊ ጐሳዎች፦ የሊብናውያን ጐሳ፣ የኬብሮናውያን ጐሳ፣ የማህላውያን ጐሳ፣ የሙሳውያን ጐሳ፣ የቆሬያውያን ጐሳ ናቸው። ቀዓት አምራምን ወለደ። ⁵⁹የአምራም ሚስት ስሟ ዮካብድ ነበር፤ እርሷም በግብፅ ለሌዊ የተወለደች የሌዊ ልጅ ናት፤ ለአምራምም አሮንን፣ ሙሴንና እኅታቸውን ማርያምን ወለደች። ⁶⁰ለአሮንም ናዳብና አብዩድ፣ አልዓዛርና ኢታምር ተወለዱለት። ⁶¹ናዳብና አብዩድ ግን ባልተፈቀደ እሳት በአባታችን ፊት ባቀረቡ ጊዜ ሞቱ። ⁶²የተቈጠሩት ሌዋውያን ዕድሜው አንድ ወርና ከዚያ በላይ የሆነ ወንድ ሁሉ 23,000 ነበሩ። በእስራኤላውያን መካከል ርስት ስላልተሰጣቸው፣ ከእስራኤላውያን ጋራ አልተቈጠሩም።

⁶³ሙሴና ካህኑ አልዓዛር በሞአብ ሜዳ፣ በዮርዳኖስ አጠገብ፣ በኢያሪኮ ትይዩ የቈጠሩአቸው እነዚህ ናቸው። ⁶⁴ከእነዚህ መካከል ሙሴና ካህኑ አሮን በሲና ምድረ በዳ ከቈጠሩአቸው አንዱም አልነበረም። ⁶⁵አባታችን ስለ እነርሱ፣ “በምድረ በዳ በእርግጥ ይሞታሉ” ብሎ ነበርና። ከዮፎኒ ልጅ ከካሌብና ከነዌ ልጅ ከኢያሱ በቀር አንዱም አልቀረም።