Eyasentlango 26 FHB Father's Heart Bible™

26 ¹Kwathi emva kwesibetho, uBawo wethu wathi kuMoses nakuElazare unyana ka-Aron umbingeleli:

²“Balani inani lebandla lonke loonyana bakaSirayeli ngokwezindlu zooyise, bonke abathabathela kominyaka imashumi mabini banyuse, abaphuma umkhosi kwaSirayeli.”

³Bathetha ke ooMoses noElazare umbingeleli nabo ezinkqantosini zakwaMowabhi, ngaseYordan malunga neYeriko, besithi: ⁴“Balani abantu abathabathela kominyaka imashumi mabini banyuse, njengoko uBawo wethu wamwiselayo umthetho uMoses.” Ngabo ke aba oonyana bakaSirayeli abaphuma ezweni laseYiputa:

⁵URubhen, amazibulo kaSirayeli. Oonyana bakaRubhen: nguHanoki, umzalwane wakwaHanoki; nguFalu, umzalwane wakwaFalu; ⁶nguHetseron, umzalwane wakwaHetseron; nguKarmi, umzalwane wakwaKarmi. ⁷Yiyo leyo imizalwane yakwaRubhen; ababalwayo kubo baba ngamashumi amane anamathathu amawaka, anamakhulu asixhenxe, anamanci mathathu. ⁸Oonyana bakaFalu: nguEliyabhi. ⁹Oonyana bakaEliyabhi nguNemuweli, noDatan, noAbhiram. NgooDatan noAbhiram abo, iinkulu zebandla, ababambana noMoses noAron ebandleni likaKora, ekubambaneni kwabo noBawo wethu. ¹⁰Wawuvula umlomo wawo umhlaba, wabaginya kunye noKora, oko labhubhayo elo bandla, oko umlilo wawadlayo amadoda angamakhulu amabini anamanci mahlanu; baba sisilumkiso. ¹¹Kodwa bona oonyana bakaKora abafanga.

¹²Oonyana bakaSimon ngokwemizalwane yabo: nguNemuweli, umzalwane wakwaNemuweli; nguYamin, umzalwane wakwaYamin; nguYakin, umzalwane wakwaYakin; ¹³nguZera, umzalwane wakwaZera; nguSawule, umzalwane wakwaSawule. ¹⁴Yiyo leyo imizalwane yakwaSimon: ngamashumi amabini anamabini amawaka, anamakhulu mabini.

¹⁵Oonyana bakaGadi ngokwemizalwane yabo: nguTsefon, umzalwane wakwaTsefon; nguHagi, umzalwane wakwaHagi; nguShuni, umzalwane wakwaShuni; ¹⁶nguOzeni, umzalwane wakwaOzeni; nguEri, umzalwane wakwaEri; ¹⁷nguArodi, umzalwane wakwaArodi; nguAreli, umzalwane wakwaAreli. ¹⁸Yiyo leyo imizalwane yoonyana bakaGadi ngokubalwa kwabo: ngamashumi amane amawaka, anamakhulu mahlanu.

¹⁹Oonyana bakaYuda babenguEre no-Onan; kodwa bobabini bafela ezweni lakwaKanan. ²⁰Oonyana bakaYuda ngokwemizalwane yabo: nguShela, umzalwane wakwaShela; nguPeretse, umzalwane wakwaPeretse; nguZera, umzalwane wakwaZera. ²¹Oonyana bakaPeretse: nguHetseron, umzalwane wakwaHetseron; nguHamuli, umzalwane wakwaHamuli. ²²Yiyo leyo imizalwane yakwaYuda ngokubalwa kwabo: ngamashumi asixhenxe anamathandathu amawaka, anamakhulu mahlanu.

²³Oonyana bakaIsakare ngokwemizalwane yabo: nguTola, umzalwane wakwaTola; nguPuwa, umzalwane wakwaPuwa; ²⁴nguYashubi, umzalwane wakwaYashubi; nguShimron, umzalwane wakwaShimron. ²⁵Yiyo leyo imizalwane yakwaIsakare ngokubalwa kwabo: ngamashumi amathandathu anamane amawaka, anamakhulu mathathu.

²⁶Oonyana bakaZebhulon ngokwemizalwane yabo: nguZerede, umzalwane wakwaZerede; nguEloni, umzalwane wakwaEloni; nguYaleli, umzalwane wakwaYaleli. ²⁷Yiyo leyo imizalwane yakwaZebhulon ngokubalwa kwabo: ngamashumi amathandathu amawaka, anamakhulu mahlanu.

²⁸Oonyana bakaYosefu ngokwemizalwane yabo nguManase noEfrayim. ²⁹Oonyana bakaManase: nguMakire, umzalwane wakwaMakire; uMakire wazala uGiliyadi; nguGiliyadi, umzalwane wakwaGiliyadi. ³⁰Oonyana bakaGiliyadi: nguIhezere, umzalwane wakwaIhezere; nguHeleki, umzalwane wakwaHeleki; ³¹nguAseriyeli, umzalwane wakwaAseriyeli; nguShekem, umzalwane wakwaShekem; ³²nguShemida, umzalwane wakwaShemida; nguHefere, umzalwane wakwaHefere. ³³Ke uTselofehade, unyana kaHefere, ebengenanyana; wayeneentombi zodwa, uMala, noNoha, noHogela, noMilka, noTirtsa. ³⁴Yiyo leyo imizalwane yakwaManase; ababalwayo kubo baba ngamashumi amahlanu anamabini amawaka, anamakhulu asixhenxe.

³⁵Yiyo le ke inzala yakwaEfrayim ngokwemizalwane yabo: nguShutela, umzalwane wakwaShutela; nguBhekere, umzalwane wakwaBhekere; nguTahan, umzalwane wakwaTahan. ³⁶Ngabo aba oonyana bakaShutela: nguEran, umzalwane wakwaEran. ³⁷Yiyo leyo imizalwane yoonyana bakaEfrayim ngokubalwa kwabo: ngamashumi amathathu anamabini amawaka, anamakhulu mahlanu. Ngabo abo oonyana bakaYosefu ngokwemizalwane yabo.

³⁸Oonyana bakaBhenjamin ngokwemizalwane yabo: nguBhela, umzalwane wakwaBhela; nguAshbhele, umzalwane wakwaAshbhele; nguAhiram, umzalwane wakwaAhiram; ³⁹nguShefufam, umzalwane wakwaShefufam; nguHufam, umzalwane wakwaHufam. ⁴⁰Oonyana bakaBhela nguArdi noNahaman: nguArdi, umzalwane wakwaArdi; nguNahaman, umzalwane wakwaNahaman. ⁴¹Ngabo aba oonyana bakaBhenjamin ngokwemizalwane yabo; ababalwayo kubo baba ngamashumi amane anamahlanu amawaka, anamakhulu mathandathu.

⁴²Aba ngoonyana bakaDan ngokwemizalwane yabo: kuShuham, ngumzalwane wakwaShuham. Leyo yimizalwane yakwaDan ngokwemizalwane yayo. ⁴³Yonke imizalwane yakwaShuham, ababalwayo kubo, baba ngamashumi amathandathu anamane amawaka, anamakhulu mane.

⁴⁴Oonyana baka-Ashere ngokwemizalwane yabo: nguImna, ngumzalwane wakwaImna; kuIshvi, ngumzalwane wakwaIshvi; kuBheriya, ngumzalwane wakwaBheriya. ⁴⁵Oonyana bakaBheriya: kuEbhere, ngumzalwane wakwaEbhere; kuMalekiyeli, ngumzalwane wakwaMalekiyeli. ⁴⁶UAshere wayeneentombi egama layo linguSera. ⁴⁷Yiyo leyo imizalwane yoonyana baka-Ashere, ababalwayo kubo: ngamashumi amahlanu anamathathu amawaka, anamakhulu mane.

⁴⁸Oonyana bakaNafetali ngokwemizalwane yabo: kuYatseli, ngumzalwane wakwaYatseli; nguGuni, ngumzalwane wakwaGuni; ⁴⁹kuYetsere, ngumzalwane wakwaYetsere; kuShilem, ngumzalwane wakwaShilem. ⁵⁰Yiyo leyo imizalwane yakwaNafetali ngokwemizalwane yabo; ababalwayo kubo baba ngamashumi amane anamahlanu amawaka, anamakhulu mane. ⁵¹Ngabo abo ababalwa koonyana bakaSirayeli: ngamakhulu amathandathu amawaka, anewaka elinye, anamakhulu asixhenxe, anamanci mathathu.

⁵²Wathetha uBawo wethu kuMoses, esithi:

⁵³“Ilizwe lolabelwa aba ukuba libe lilifa, ngokwenani lamagama. ⁵⁴Omninzi wolenza lininzi ilifa lakhe, omncinane ulenze lincinane ilifa lakhe; ilifa lalowo nalowo libe ngokwenani lababalwayo kuye. ⁵⁵Kodwa ilizwe lolatshulwa ngeqashiso; bodla ilifa ngokwamagama ezizwe zooyise. ⁵⁶Ilifa labo lolatshulwa ngeqashiso phakathi komninzi nomncinane.”

⁵⁷Ngabo aba ababalwayo kubaLevi ngokwemizalwane yabo: kuGershon, ngumzalwane wakwaGershon; kuKehati, ngumzalwane wakwaKehati; kuMerari, ngumzalwane wakwaMerari. ⁵⁸Yiyo le imizalwane yakwaLevi: umzalwane wakwaLibheni, umzalwane wakwaHebron, umzalwane wakwaMaheli, umzalwane wakwaMushi, umzalwane wakwaKora. UKehati wazala uAmram. ⁵⁹Igama lomkaAmram belinguYokebhede, intombi kaLevi, awamzalela uLevi eYiputa; yena wamzalela uAmram uAron noMoses, noMiriyam udade wabo. ⁶⁰UAron wazalelwa uNadabhi, noAbhihu, noElazare, noItamare. ⁶¹Kodwa ooNadabhi noAbhihu bafa ekusondezeni kwabo umlilo ongesesikweni phambi koBawo wethu. ⁶²Ababalwayo kubo baba ngamashumi amabini anamathathu amawaka, yonke into eyindoda, ethabathela kunyana onyanga-nye inyuse. Ababalelwanga phakathi koonyana bakaSirayeli, ngokuba babenganikwanga lifa phakathi koonyana bakaSirayeli.

⁶³Aba ngababalwa nguMoses noElazare umbingeleli ezinkqantosini zakwaMowabhi, ngaseYordan malunga neYeriko. ⁶⁴Phakathi kwabo bekungekho namnye owayebalwe nguMoses noAron umbingeleli entlango yaseSinayi. ⁶⁵Kuba uBawo wethu wayethethe ngabo, wathi: “Baya kufa inene entlango.” Akwasala namnye kubo, ngaphandle kukaKalebhi unyana kaYefune, noYoshuwa unyana kaNun.