Thuutha wa Mũthiro, Gũtara Kũngĩ

Thutha wa mũthiro andũ gũtarwo riita rĩa keerĩ, gũkoneka arũme 601,730 a mbaara — rũciaro rwerũ biũ, tondũ gũtirĩ wa mbere watigara tiga Kalebu na Joshua. Mĩtaro ĩyo rĩu ĩgatua igai: mĩhĩrĩga mĩnene ĩkaheo bũrũri mũingĩ, no o igai rĩkoimaga na mĩtĩ.

Gĩcunjĩ 26.

Thuutha wa mũthiro ũcio, Ithe witũ akĩĩra Musa na Eleazaru mũrũ wa Harũni ũrĩa mũthĩnjĩri Ngai atĩrĩ,

“Tarai kĩrĩndĩ gĩothe kĩa Isiraeli kũringana na nyũmba cia maithe mao, mũndũ o wothe wa mĩaka mĩrongo ĩĩrĩ na makĩria ũrĩa ũngĩhota gũtungata mbaarainĩ ya Isiraeli.”

Nao Musa na Eleazaru ũrĩa mũthĩnjĩri Ngai makĩaria nao kũu werũinĩ wa Moabi, hakuhĩ na Jorodani mũrĩmo ũrĩa ũngĩ wa Jeriko, makĩmeera atĩrĩ, “Tarai andũ a mĩaka mĩrongo ĩĩrĩ na makĩria, o ta ũrĩa Ithe witũ aathĩte Musa.” Nao andũ a Isiraeli arĩa moimire bũrũri wa Misiri nĩ aya:

Rubeni nĩ we irigithaathi rĩa Isiraeli. Aariũ a Rubeni nĩ: Hanoku, mũhĩrĩga wa Ahanoku; Palu, mũhĩrĩga wa Apalu; Hezironi, mũhĩrĩga wa Ahezironi; Karimi, mũhĩrĩga wa Akarimi. Ĩyo nĩyo mĩhĩrĩga ya Arubeni; mũigana wao warĩ 43,730. Nao aariũ a Palu nĩ: Eliabu. Nao aariũ a Eliabu nĩ: Nemueli, na Dathani, na Abiramu. O acio Dathani na Abiramu nĩo maarĩ arũgamĩrĩri a kĩrĩndĩ, arĩa mookĩrĩire Musa na Harũni hamwe na gĩkundi kĩa Kora, rĩrĩa mookĩrĩire Ithe witũ. Nayo thĩ ĩgĩatũkĩra kanua kayo ĩkĩmameria hamwe na Kora, rĩrĩa gĩkundi kĩu gĩakuire naguo mwaki ũgĩcina andũ magana meerĩ na mĩrongo ĩtaano; nao magĩtuĩka kĩonereria kĩa gũkaania. No aariũ a Kora matiakuire.

Nao aariũ a Simeoni kũringana na mĩhĩrĩga yao nĩ: Nemueli, mũhĩrĩga wa Anemueli; Jamini, mũhĩrĩga wa Ajamini; Jakini, mũhĩrĩga wa Ajakini; Zera, mũhĩrĩga wa Azera; Shauli, mũhĩrĩga wa Ashauli. Ĩyo nĩyo mĩhĩrĩga ya Asimeoni: mũigana wao warĩ 22,200.

Nao aariũ a Gadi kũringana na mĩhĩrĩga yao nĩ: Zefoni, mũhĩrĩga wa Azefoni; Hagi, mũhĩrĩga wa Ahagi; Shuni, mũhĩrĩga wa Ashuni; Ozini, mũhĩrĩga wa Aozini; Eri, mũhĩrĩga wa Aeri; Arodi, mũhĩrĩga wa Aarodi; Areli, mũhĩrĩga wa Aareli. Ĩyo nĩyo mĩhĩrĩga ya aariũ a Gadi o ta ũrĩa maatarirwo: mũigana wao warĩ 40,500.

Nao aariũ a Juda nĩ Eri na Onani; no Eri na Onani maakuĩrĩire bũrũri wa Kanaani. Nao aariũ a Juda kũringana na mĩhĩrĩga yao nĩ: Shela, mũhĩrĩga wa Ashela; Perezi, mũhĩrĩga wa Aperezi; Zera, mũhĩrĩga wa Azera. Nao aariũ a Perezi nĩ: Hezironi, mũhĩrĩga wa Ahezironi; Hamuli, mũhĩrĩga wa Ahamuli. Ĩyo nĩyo mĩhĩrĩga ya Juda o ta ũrĩa maatarirwo: mũigana wao warĩ 76,500.

Nao aariũ a Isakaru kũringana na mĩhĩrĩga yao nĩ: Tola, mũhĩrĩga wa Atola; Puva, mũhĩrĩga wa Apuni; Jashubu, mũhĩrĩga wa Ajashubu; Shimuroni, mũhĩrĩga wa Ashimuroni. Ĩyo nĩyo mĩhĩrĩga ya Isakaru o ta ũrĩa maatarirwo: mũigana wao warĩ 64,300.

Nao aariũ a Zebuluni kũringana na mĩhĩrĩga yao nĩ: Seredi, mũhĩrĩga wa Aseredi; Eloni, mũhĩrĩga wa Aeloni; Jahuleeli, mũhĩrĩga wa Ajahuleeli. Ĩyo nĩyo mĩhĩrĩga ya Azebuluni o ta ũrĩa maatarirwo: mũigana wao warĩ 60,500.

Nao aariũ a Jusufu kũringana na mĩhĩrĩga yao nĩ Manase na Efiraimu. Nao aariũ a Manase nĩ: Makiri, mũhĩrĩga wa Amakiri; nake Makiri agĩciara Gileadi; nake Gileadi, mũhĩrĩga wa Agileadi. Nao aariũ a Gileadi nĩ: Iezeri, mũhĩrĩga wa Aiezeri; Heleki, mũhĩrĩga wa Aheleki; Asirieli, mũhĩrĩga wa Aasirieli; Shekemu, mũhĩrĩga wa Ashekemu; Shemida, mũhĩrĩga wa Ashemida; Heferi, mũhĩrĩga wa Aheferi. Nake Zelofehadi mũrũ wa Heferi ndaarĩ na aariũ, aarĩ na airĩĩtu oiki: na marĩĩtwa mao nĩ Mahala, na Noa, na Hogila, na Milika, na Tiriza. Ĩyo nĩyo mĩhĩrĩga ya Manase; mũigana wao warĩ 52,700.

Nao njiaro cia Efiraimu kũringana na mĩhĩrĩga yao nĩ: Shuthela, mũhĩrĩga wa Ashuthela; Bekeri, mũhĩrĩga wa Abekeri; Tahani, mũhĩrĩga wa Atahani. Nao aya nĩo aariũ a Shuthela: Erani, mũhĩrĩga wa Aerani. Ĩyo nĩyo mĩhĩrĩga ya aariũ a Efiraimu, kũringana na mũigana wao: 32,500. Acio nĩo aariũ a Jusufu kũringana na mĩhĩrĩga yao.

Nao aariũ a Benjamini kũringana na mĩhĩrĩga yao nĩ: Bela, mũhĩrĩga wa Abela; Ashibeli, mũhĩrĩga wa Aashibeli; Ahiramu, mũhĩrĩga wa Aahiramu; Shefufamu, mũhĩrĩga wa Ashufamu; Hufamu, mũhĩrĩga wa Ahufamu. Nao aariũ a Bela nĩ Aradi na Naamani: Aradi, mũhĩrĩga wa Aaradi; Naamani, mũhĩrĩga wa Anaamani. Acio nĩo aariũ a Benjamini kũringana na mĩhĩrĩga yao; mũigana wao warĩ 45,600.

Nao aya nĩo aariũ a Dani kũringana na mĩhĩrĩga yao: Shuhamu, mũhĩrĩga wa Ashuhamu. Ĩyo nĩyo mĩhĩrĩga ya Dani kũringana na mĩhĩrĩga yao. Mĩhĩrĩga yothe ya Ashuhamu, mũigana wayo warĩ 64,400.

Nao aariũ a Asheri kũringana na mĩhĩrĩga yao nĩ: Imuna, mũhĩrĩga wa Aimuna; Ishivi, mũhĩrĩga wa Aishivi; Beria, mũhĩrĩga wa Aberia. Nao aariũ a Beria nĩ: Heberi, mũhĩrĩga wa Aheberi; Malikieli, mũhĩrĩga wa Amalikieli. Nake Asheri aarĩ na mwarĩ wĩtagwo Sera. Ĩyo nĩyo mĩhĩrĩga ya aariũ a Asheri o ta ũrĩa maatarirwo: mũigana wao warĩ 53,400.

Nao aariũ a Nafitali kũringana na mĩhĩrĩga yao nĩ: Jahazeeli, mũhĩrĩga wa Ajahazeeli; Guni, mũhĩrĩga wa Aguni; Jezeri, mũhĩrĩga wa Ajezeri; Shilemu, mũhĩrĩga wa Ashilemu. Ĩyo nĩyo mĩhĩrĩga ya Nafitali; mũigana wao warĩ 45,400. Ũcio nĩguo mũigana wothe wa andũ a Isiraeli: 601,730.

Nake Ithe witũ akĩĩra Musa atĩrĩ,

“Bũrũri ũyũ nĩũkũgaayanĩrĩo gatagatĩ kao ũtuĩke igai kũringana na mũigana wa marĩĩtwa. Mũhĩrĩga ũrĩa mũnene ũheo igai inene, naguo ũrĩa mũnini ũheo inini; o mũhĩrĩga ũheo igai kũringana na mũigana wa andũ aao arĩa maatarirwo. No rĩrĩ, bũrũri no mũhaka ũgayanĩrĩrio na mũtĩ wa gũcuuka; nao makaagaya kũringana na marĩĩtwa ma mĩhĩrĩga ya maithe mao. Igai rĩao rĩkaagayanĩrĩrio na mũtĩ wa gũcuuka gatagatĩ ka ũrĩa mũnene na ũrĩa mũnini.”

Nao aya nĩo Alawii arĩa maatarirwo kũringana na mĩhĩrĩga yao: Gerishoni, mũhĩrĩga wa Agerishoni; Kohathu, mũhĩrĩga wa Akohathu; Merari, mũhĩrĩga wa Amerari. Mĩhĩrĩga ya Lawii nĩ ĩno: mũhĩrĩga wa Alibini, mũhĩrĩga wa Ahebironi, mũhĩrĩga wa Amahali, mũhĩrĩga wa Amushi, na mũhĩrĩga wa Akora. Nake Kohathu agĩciara Amuramu. Nake mũtumia wa Amuramu eetagwo Jokebedi, mwarĩ wa Lawii, ũrĩa waciarĩirwo Lawii kũu bũrũri wa Misiri; nake agĩciarĩra Amuramu Harũni, na Musa, na mwarĩ wa nyina wao Miriamu. Nake Harũni agĩciarĩrwo Nadabu, na Abihu, na Eleazaru, na Ithamaru. No Nadabu na Abihu maakuire rĩrĩa maarutĩire Ithe witũ mwaki ũtaathĩĩtwo. Nao Alawii arĩa maatarirwo mũigana wao warĩ 23,000, mũndũ mũrũme o wothe wa mweri ũmwe na makĩria. Nao matiataranĩirio hamwe na andũ a Isiraeli, tondũ gũtirĩ igai maaheirwo gatagatĩ ka andũ a Isiraeli.

Acio nĩo maatarirwo nĩ Musa na Eleazaru ũrĩa mũthĩnjĩri Ngai kũu werũinĩ wa Moabi hakuhĩ na Jorodani mũrĩmo ũrĩa ũngĩ wa Jeriko. Gatagatĩ kao gũtiarĩ mũndũ o na ũmwe warĩ ũmwe wa arĩa maatarirwo nĩ Musa na Harũni ũrĩa mũthĩnjĩri Ngai kũu werũinĩ wa Sinai. Amu Ithe witũ nĩ aamarĩtie atĩrĩ, “Ti-itherũ nĩmagaakuĩra werũinĩ.” Naguo gũtiatigarire mũndũ o na ũmwe wao, tiga Kalebu mũrũ wa Jefune na Joshua mũrũ wa Nuni.