彌迦書 2

2 ¹禍喇,嗰啲喺床上圖謀罪孽、盤算惡事嘅人! 天一光就去做,因為佢哋有能力去做。 ²佢哋貪圖田地就搶奪, 又貪圖房屋, 就據為己有。佢哋欺壓人同佢嘅家,欺壓人同佢嘅產業。

³所以我哋嘅父噉樣話:睇啊,我正籌劃降災畀呢個家族, 你哋唔可以將自己嘅頸 從中抽出嚟;你哋唔可以昂首挺胸,因為呢個係邪惡嘅時勢。 ⁴到嗰日,佢哋必用譏諷嘅話針對 你哋,又痛苦哀號, 話:「我哋徹底滅亡喇! 佢將我子民嘅產業變賣咗; 佢點樣將佢從 我身上奪走!佢將我哋嘅田地分畀叛徒。」 ⁵ 所以喺我哋嘅父嘅會眾入面,你必冇人可以抽籤拉準繩分地。 ^a a v5 抽籤拉準繩係以色列人喺各家族之間分地嘅方法;失去呢個權利即係永遠被排除喺群體嘅產業之外。

天父使假先知住口

⁶「唔好講道!」 佢哋噉講道。「唔應該有人講呢啲嘢; 羞辱唔會臨到我哋。」

⁷雅各家啊,豈可以噉講咩? 我哋父嘅靈冇耐性咩? 呢啲係佢所做嘅咩?我嘅話語豈唔係帶嚟好處 畀行為正直嘅人咩?

⁸但係近排我嘅兒女興起 好似仇敵噉。 你哋剝去華貴嘅外袍, 從嗰啲毫無防備、路過嘅人身上,佢哋好似打完仗歸嚟、唔想打鬥嘅人噉。 ⁹你哋將我子民嘅婦女 趕出佢哋安樂嘅家; 從佢哋嘅細路仔身上,你哋永遠奪走咗我嘅榮美。 ¹⁰起身走喇,因為呢度唔係安息之所; 因為佢已經玷污咗,就帶嚟毀滅—— 一場慘痛嘅毀滅。 ¹¹若果有個靠虛謊過活嘅人講大話, 「我要向你哋講論清酒同烈酒」,佢就啱晒做呢個民族嘅講道者喇!

天父聚集佢嘅餘民

¹²雅各啊,我必定聚集你哋所有人; 我必定招聚以色列嘅餘民。 我要將佢哋合而為一,好似羊圈入面嘅羊, 好似草場中嘅羊群—— 一個人聲鼎沸嘅地方。

¹³嗰位開路嘅 喺佢哋前面上去 ;佢哋衝破,經過城門, 從中出去 。佢哋嘅王喺佢哋前面行,我哋嘅父喺佢哋頭前帶領。 ^b b v13 嗰位開路嘅就係耶穌,佢行喺佢子民前面,開通歸家嘅路,帶領佢哋走出一切被擄之地——佢哋嘅王,有我哋嘅父喺佢哋頭前帶領。