Madandra kuna Ale Anathabusa Andzawo
Pisatoma na anthu anagona mbakagona tulo mbali kusasanyira kuthimbira minda na nyumba, penepo mbapicita macibese thangwi asakwanisa. Iwo apanga Mikeya kuti aleke kumwaza mafala. Baba wathu alonga kuti Iye akusasanyira cinthu kuna iwo pontho, penepo mwakubvekesa apikira kugumanya anthu adasala ninga nkumbi wa mabira.
2 1Madandra kuna ale anakonkha pyakuipa mbakonkha uipi pa maliri awo! Pakucena kwa macibese asapicita, thangwi ali na mphambvu yakupicita. 2Asasirira minda mbazikwata izo, pontho nyumba, mbazibvungaza. Asathabusa mamuna na nyumba yace, munthu na unthaka wace.
3Natenepa, ipi ndi pinalonga Baba wathu: Onani, ndisanyerezera cisautso kuna dzindza ineyi, cakuti nkhabe munakwanisa kubulusa nkhosi zanu mwenemo; nkhabe munakwanisa kulakamisa misolo yanu, thangwi ndi ndzidzi wakuipa. 4Pa ntsiku ineyi anadzabweresa nyimbo yakusingirira kuna imwe, mbalira na kulira kwakuwawa, mbalonga tenepa: “Tafudzwa kwene kwene! Asagulisa khundu ya mbumba yanga; mphapo asaipoka kuna ine! Asagawira anyakupanduka minda yathu.” 5Natenepa, imwe nkhabe munadzakhala na munthu toera kuponya nthambo yakuyesera mwa maningo mu gungano ya Baba wathu. a a v5 Kuponya nthambo yakuyesera mwa maningo ndi njira ikhagawa Izarayeli dziko pakati pa madzindza; kuluza ufulu uyu kukhabveka kubuluswa kwakukhonda kumala mu unthaka wa mbumba.
Baba Asamatisa Aprofeta a Uthambi
6“Lekani kumwaza mafala!” ndi pinamwaza iwo. “Nkhabe munthu anafunika kumwaza pinthu pyenepi; manyadzo nkhabe anadzatifikira.”
7Kodi pyenepi pinafunika kulongwa, imwe a nyumba ya Yakobe? Kodi Nzimu wa Baba wathu ngwakukhonda kupirira? Kodi ipi ndi pyakucita pyace? Kodi mafala anga nkhabe abweresa pyadidi kuna ule anafamba mwakulungama?
8Mbwenye cincino ana anga alamuka ninga nyamalwa. Imwe musapoka nguwo zakudeka kuna ale anapita mwantendere, ninga amuna anabwerera ku nkhondo akuti nkhabe akhafuna kumenyana. 9Imwe musathamangisa akazi a mbumba yanga kubuluka m'manyumba awo akubalika; kuna anawo ang'ono musabulusa mbiri yanga kwenda na kwenda. 10Lamukani mbuenda, thangwi pano nkhabe mbuto yakupuma; thangwi padetseka, pisabweresa cionongeko— cionongeko cakuwawa. 11Mamuna anakhala mu uthambi wauzuzu angalonga uthambi, mbaciti: “Ndinakumwazirani mafala a vinyu na pyakuledzeresa,” iye mbadakhala nyakumwaza fala wakuthema mbumba iyi!
Baba Asagumanya Anthu Ace Adasala
12Ndinadzakugumanyani mwensene, iwe Yakobe; ndinadzagumanya pabodzi anthu adasala a Izarayeli. Ndinadzaaika pabodzi, ninga mabira m'thanga, ninga nkumbi wa pinyama pakati pa busa yawo— mbuto yakudzala na mphumphu ya anthu.
13Ule anafungula njira asakwira patsogolo pawo; iwo asamphwanya mbapita pa nsuwo, mbabuluka mwenemo. Mambo wawo asaenda patsogolo pawo, Baba wathu pa nsolo pawo. b b v13 Ule anafungula njira ndi Yezu, wakuti asaenda patsogolo pa mbumba yace toera kufungula njira yakuenda kunyumba na kuabulusa mu ukapolo onsene—Mambo wawo, na Baba wathu pa nsolo pawo.
