Ngeyi Wisi Lwengisa Mukwa Ngolu Zoosu?
Yobi wisi tula koku dyandi hana munwa wandi amana wisi lembwa kuzonza. Kaasi Tata wetu wisi kwamina kaka: Kweti wisi fwasa masonga mama ndangu udikitula wa masonga? Amana wisi songa Behemoti, wisi dya mwangu, konda yangisama kwa nzadi wisi vukumuka ha munwa wandi, mbisi yina Muhangi wandi kaka walenda bwesuka kwena yawu.
Tata wetu kisi zonza mu mavese 2, 7–24
40 1Amana Tata wetu wázimbula kwena Yobi:
2«Wuna wisi findana yi Mukwa Ngolu Zoosu kalwengisa yandi? Mfundi wama kavutula dyawu.»
Koku dya Yobi Hana Munwa Wandi
3Amana Yobi wávutula Tata wetu: 4«Tala, meni yáfwanaku—a bweti yilenda kuvutula? Yitudidi koku dyama hana munwa wama. 5Yázonza mbala yimosi, kaasi yavutulaku; mbala zodi, kaasi yazimbulaku hika.»
6Amana Tata wetu wávutula Yobi muna pfunzi:
7«Dikasama hanga yakala; yikúhyula, amana ngeyi wamvutwala. 8Ngeyi mu kyedika wisi fwasa masonga mama? Wisi mfundisa meni hanga wakala yi masonga? 9Ngeyi wenina yi koku bwana dyama? Wulenda tula thungidi ni ndinga bwana yama? 10Diyidika ni kineni yi luzitu; divwata lukumu yi khembu. 11Mwanga ngolu za khabu zaku; tala wosu mukwa lulendu amana wumukulumuna yandi. 12Tala wosu mukwa lulendu amana wumukulumuna yandi; fukumuna batu ba mbi kuna batelami. 13Zika bawu boosu mu fusyangeni kumosi; fidinga mbunzu za bawu mu kalunga. 14Buna meni-meni yikuzatula, mukuma koku dyaku dya kitata dilenda kuhulula. 15Tala Behemoti, wuna yáhanga bwana yákuhanga ngeyi; wisi dya mwangu bwana ngombi. a a v15 Behemoti kenina mbisi yambuta—hifu ngulu-mamba holo mbisi yambuta ya ha tsi—yina yitombulu haka hanga kima kya kuyituka kya luhangu lwa Tata wetu. 16Tala—ngolu zandi zenina mu mbunda yandi, amana lulendu lwandi mu misuni mya kundu dyandi. 17Wisi sunzika mukila wandi bwana miti wa sedeli; misinga mya makhungu mandi mina mibati kangana ngolu va kimosi. 18Mifufwa myandi menina mitubu mya mbengi, bikata byandi bwana misinga mya kisengu. 19Yandi kenina wa theti mu mihangu myama; kaka Muhangi wandi wulenda bwesuka kwena yandi ni mbedi. 20Myongu misi buta bima byawu kwena yandi, homa bambisi boosu ba mu tseki bisi tamba. 21Ku tsi ya miti mya lotusi wisi leka, muna kifukidilu kya matiti yi muna dibola. 22Miti mya lotusi misi mufidinga ni tsya kivula kyawu; miti mya nzadi misi muzyeta. 23Yuka ni nzadi yisi vumuka ngolu, yandi kabangaku; yandi wenina yi kikumbwala, ata Yolutani yisi vumuka ku munwa wandi. 24Kweku mutu wulenda kumukanga bwosu kenina tala, holo kulubula mazunu mandi ni mutambu?»
